ՅՈՒՇԱՐԺԱՆ ՊԱՀԵՐ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Բենեդիկտոս ԺԶ. Սրբազան Քահանայապետի պատմական այցը Զմմառու Վանք

Շաբաթ, 15 սեպտեմբեր 2012-ին, Բենեդիկտոս ԺԶ. Սրբազան Քահանայապետը իր պատմական աննախընթաց այցելութիւնը կատարեց Զմմառու Աստուածածնի Վերափոխման վանքը՝ հիւրընկալութեամբ Տանն Կիլիկիոյ Կաթողիկէ Հայոց Ամեն. Տէր Ներսէս Պետրոս ԺԹ. Կաթողիկոս Պատրիարքին

եւ Արծիւեան Պատրիարքական Միաբանութեան Ընդհանուր Փոխանորդի՝ Հ. Գաբրիէլ Թ.Ծ.Վ. Մուրատեանի, Վանքի Վարչական Հայրերու, Հայ Կաթողիկէ Եկեղեցւոյ Սիւնհոդոսական Հայրերու, Պէյրութի Թեմի եկեղեցական Հայրերու և տեղացի և Հայ խուռներամ բազմութեան ներկայութեան, որոնք ջերմագին և խելահեղ ցնծութեամբ ընդունեցին Սրբազան Քահանայապետը:
Նորին Սրբութունը օրհնեց այս առթիւ հայ տպագրութեան առաջին մատեանին՝ ՈՒՐԲԱԹԱԳԻՐՔ-ի տպագրիչ-հրատարակիչ «Յակոբ Մեղապարտ»ի նորակերտ արձանը, որ կառուցուեցաւ հայկական տպագրութեան երախայրիքին 500-ամեայ յոբելեանին առիթով: «Յակոբ Մեղապարտ» անդրիին քանդակագործն է լիբանանահայ Ռաֆֆի Ետալեան, իսկ մեկենասներն են ամերիկահայ Լուիս եւ Ուիլիըմ Աբիկեան եղբայրները:

ԳԼԽԱՒՈՐ ԼՈՒՐԵՐ

  • Էմմանուէլ Արք. Տապպաղեան ոչ եւս է
    Էմմանուէլ Արք. Տապպաղեան ոչ եւս է

    Ողջոյն քեզ Սուրբ Եկեղեցի։ Ողջոյն քեզ սեղան սրբութեան։ Ողջոյն ձեզ դասք քահանայութեան։ Ողջոյն ձեզ հաւատացեալ եղբարք իմ ի Քրիստոս։ Ողջոյն ձեզ համօրէն ժողովրդականք։ Ես ճանապարհորդեցի առ Արարիչ իմ։ Ես ճանապարհորդեցի առ Քրիստոս յոյս ամենեցուն:

  •  «Ես եմ Յարութիւն և Կեանք»
    «Ես եմ Յարութիւն և Կեանք»
    Տանն Կիլիկիոյ Կաթողիկէ Հայոց Ամենապատիւ և Գերերջանիկ Տէր Գրիգոր Պետրոս Ի. Կաթողիկոս Պատրիարքը, Հայ Կաթողիկէ Եպիսկոպոսաց Դասը, Զմմառու Պատրիարքական Կղերի Միաբանութիւնը և Տապպաղեան ընտանիքը, սրտի խոր կսկիծով կը գուժեն Զմմառու Պատրիարքական Կղերի Միաբանութեան անդամ եւ Պաղտատի վաստակաւոր Առաջնորդ՝ Արհի. Հ. Էմմանուէլ Արք. Տապպաղեանի վախճանումը, որ տեղի ունեցաւ Հինգշաբթի 13 Սեպտեմբեր 2018-ին, առաւօտուն, Ս. Խաչ քոյերու հանգստատան մէջ, յետ կարճատեւ հիւանդութեան: 
  • ՏՕՆ ՎԵՐԱՓՈԽՄԱՆ ՍՐԲՈՅ ԿՈՒՍԻՆ ՄԱՐԻԱՄՈՒ ԵՒ ԵՊԻՍԿՈՊՈՍԱԿԱՆ ՁԵՌՆԱԴՐՈՒԹԻՒՆ ԵՒ ՕԾՈՒՄ ԳԵՐՅ. Հ. ԵՂԻԱ Ծ. ՎՐԴ. ԵՂԻԱՅԵԱՆԻ
    ՏՕՆ ՎԵՐԱՓՈԽՄԱՆ ՍՐԲՈՅ ԿՈՒՍԻՆ ՄԱՐԻԱՄՈՒ ԵՒ ԵՊԻՍԿՈՊՈՍԱԿԱՆ ՁԵՌՆԱԴՐՈՒԹԻՒՆ ԵՒ ՕԾՈՒՄ ԳԵՐՅ. Հ. ԵՂԻԱ Ծ. ՎՐԴ. ԵՂԻԱՅԵԱՆԻ

    Կիրակի, 12 Օգոստոս 2018-ին, առաւօտեան ժամը 10:30-ին, Սուրբ Աստուածածնայ Վերափոխման տօնին, Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Գրիգոր Պետրոս Ի. Կաթողիկոս Պատրիարքը, Զմմառու վանքի «Երանելի Մալոյեան» ամփիթատրոնին մէջ, Հայրապետական Ս. Պատարագին ընթացքին կատարեց եպիսկոպոսական ձեռնադրութիւնն ու օծումը Զմմառու Պատրիարքական Կղերի Միաբանութեան անդամ՝ Հ. Եղիա Ծ. Վրդ. Եղիայեանի ՝ որպէս Առաջնորդ Ֆրանսայի Կաթողիկէ Հայոց՝ Փարիզի Ս. Խաչ Թեմի: 

  • Ս. Աստուածածնի Վերափոխման  նաւակատիքը
    Ս. Աստուածածնի Վերափոխման նաւակատիքը

    Շաբաթ 11 Օգոստոս 2018-ին, երեկոյեան ժամը 19:00-ին, Ս. Աստուածածնի Վերափոխման՝ Շողակաթի նաւակատիքի տօնին առթիւ՝ Զմմառու «Երանելի Մալոյեան» ամփիթատրոնին մէջ Զմմառու վանքի Փոխ Մեծաւոր՝ Հ. Անտոն Վրդ. Նորատունկեան հանդիսաւոր Ս. Պատարագ մատուցանեց:

View All

inside picture