ՅՈՒՇԱՐԺԱՆ ՊԱՀԵՐ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Երանելի Իգնատիոս Մալոյեանի Ծննդեան 150 ամեակին նուիրուած՝ Յիշատակի Հոգեւոր Երեկոյ

Կիրակի, 11 Օգոստոս 2019-ին, երեկոյեան ժամը 7:30-ին, Զմմառու Մայրավանքի Երանելի նահատակ Իգնատիոս Արք. Մալոյեանի ամփիթատրոնին մէջ, տեղի ունեցաւ Երանելիին ծննդեան 150 ամեակին նուիրուած յիշատակի հոգեւոր երեկոն:

Հանդիսութեան նախագահեց՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս-Պատրիարքը:
Օրուան միջոցառումը տեղի ունեցաւ նախաձեռնութեամբ «Երանելի Իգնատիոս Արք. Մալոյեան» դպրեվանքի տեսչութեան: 
Ներկայ էին պետական նախարարներ, Տիարք՝ Աւետիս Կիտանեան, Ռիշար Գույումճեան, պետական բարձրաստիճան անձնաւորութիւններ, երեսփոխաններ, Ն.Ս.Օ.Տ.Տ. Արամ Ա. Կաթողիկոսի ներկայացուցիչ՝ Հոգշ. Տ. Անանիա Ծ. Վրդ. Գուճանեան, Մարոնիներու Պատրիարքի ներկայացուցիչը, Պէյրութի Լատիններու Առաջնորդ՝ Արհ. Տ. Սեզար Եպս. Եսայեան, Հայ Կաթողիկէ Եպիսկոպոսաց եւ Քահանայից դասը, Անարատ Յղութեան Միաբանութեան առաքինազարդ քոյրերը, գլխաւորութեամբ`Քոյր Արուսեակ Սաճոնեանի, քոյր եկեղեցիներու հոգեւորականներ, բարեսիրական, մշակութային եւ կրթական մշակներ եւ հայորդիներ:
«Տէրունական աղօթք»ով ընթացք առաւ յիշատակի երեկոն, որմէ ետք բարի գալուստի խօսք արտասանեցին դպրեվանքի Տեսուչ Հ. Գրիգոր Վրդ. Պատիշահ և փոխ տեսուչ Հ. Տիգրան Վրդ. Փիլիպպոսեան:
Ապա Երեւանի Սրբոց Հրեշտակապետաց Միացեալ դպրեվանքի տեսուչ՝ Հ. Մաշտոց Վրդ. Զահթերեան ընթերցեց ՀՀ կրթութեան եւ գիտութեան նախարարութեան յղած նամակը, ուր ըսուած է. «1915 թ. Ապրիլ ամիսը հայ ժողովրդի եւ մարդկութեան պատմութեան մէջ ողբերգական ու սարսափելի էջերից մէկն եղաւ, որը պատմում է, թէ որքա՛ն ծայրահեղ կարող է լինել Մարդը: Նահատակուած Երանելի Իգնատիոս Մալոյեանը այն հայն էր եւ հոգեւորականը, որի օրինակը կարող է ուսանելի լինել թէ՛ դպրեվանքի սաների եւ թէ՛ ցանկացած հայի համար: 1750 թուականին հիմնուած Միջին Արեւելքի առաջին կրթօճախը հանդիսացող Զմմառի Պատրիարքական Կղերի Միաբանութեան դպրեվանքը դրա լաւագոյն ապացոյցներից մէկն է: Թո՛ղ Երանելի Իգնատիոս Մալոյեանին նուիրուած սոյն յուշ-երեկոն եւս մէկ առիթ հանդիսանայ գիտակցելու եւ իմաստաւորելու մեր կորուստները եւ ձեռք բերումները, ինչպէս նաեւ հետագայ նպատակները եւ խնդիրները»:
Այս առթիւ Հռոմի Լեւոնեան Քահանայապետական վարժարանի ուսանող Եղբ. Ժագ Քէշիշեան ներկայացուց Երանելիին վարքը, գործունէութիւնը, նահատակութիւնը եւ երանացումը:
Այնուհետեւ գեղարուեստական յայտագրով հանդէս եկան Զմմառու և Երեւանի դպրեվանքերու և Հռոմի Լեւոնեանի Քահանայապետական վարժարանի ուսանողները: Երեւանի Սրբոց Հրեշտակապետաց դպրեվանքի սաները արտասանեցին Վահան Թէքէեանի «Եկեղեցին հայկական»ը, որմէ ետք Արամ Սաատոն «Տլէ Եաման»ը, Նշան Հաննէշեան «Իլ սօն թօմպէ»ն, Գէորգ Ներսէսեան «Հրեշտակային»ը՝ երգեցին. նուագակցութեամբ՝ Եղբ. Պետրոսի: Հուսկ՝ ժառանգաւորաց երգչախումբը «Տէր Ողորմեա», «Կիլիկիա» և «Բազմաչարչար Նահատակ» երգերը հնչեցուց:
Օրուայ յայտագրի աւարտին՝ Երանելի Մալոյեանի նուիրուած վաւերագրական տեսաերիզ ցուցադրուեցաւ:
Յիշատակի օրուան հանդիսութիւնը իր լրումին հասաւ՝ Զմմառու Պատրիարքական Կղերի Միաբանութեան և Պէյրութի Թեմի Փոխանորդ եւ Զմմառու Վանքի Մեծաւոր՝ Գերպծ. Գաբրիէլ Թ.Ծ.Վ. Մուրատեանի Ս. Գրիգոր Նարեկացի՝ Տիեզերական Վարդապետին աղօթամատեանէն քաղուած աղօթքով: Այնուհետեւ ներկաները միասնաբար արտասանեցին Մալոյեանի ձօնուած աղօթքը:
Հուսկ՝ Ամեն. եւ Գերերջ. Հոգեւոր Տէրը «Պահպանիչ»ով եւ Երանելիին ձեռաց խաչով իր հայրական օրհնութիւնը փոխանցեց ներկաներուն, որմէ ետք՝ անոնք ստացան Մալոյեանի մասունքը կրող պատկերը:

 Maloyanmaloyan-3maloyan5maloyan6maloyan8maloyan7maloyan10maloyan9maloyan12maloyan 4maloyan11

ԳԼԽԱՒՈՐ ԼՈՒՐԵՐ

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

  • Ս.Միքայէլ ընծայարանի անուանակոչութիւնը
    Ս.Միքայէլ ընծայարանի անուանակոչութիւնը

    Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

View All

inside picture