Ընտրաժողով
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Ընտրաժողով 2011

Տանն Կիլիկիոյ Կաթողիկէ Հայոց Ամենապատիւ և Գերերջանիկ Տէր Ներսէս Պետրոս ԺԹ. Կաթողիկոս Պատրիարքին եւ Զմմառու Պատրիարքական Միաբանութեան տեղապահի նախագահութեամբ՝ Զմմառի մէջ գումարուեցաւ ընդհանուր Ժողով, Չորեքշաբթի, 26 Հոկտեմբեր 2011-ին, մասնակցութեամբ արքեպիսկոպոս, եպիսկոպոս եւ 28 պատուիրակ վարդապետներու:
28 Հոկտեմբեր 2012-ին, Միաբանական զանազան հարցերու քննարկումէն ետք, ժողովականները անցան ընտրութեան, որուն արդիւնքով՝ Հայր Գաբրիէլ Վրդ. Մուրատեան ստացաւ ձայներու համեմատական մեծամասնութիւնը եւ ընտրուեցաւ Զմմառու Պատրիարքական Միաբանութեան Փոխանորդ և Մեծաւոր Զմմառու Վանքին: Ամեն. Հոգեւոր Տէրը հաստատեց կատարուած ընտրութիւնը: Միաբանութեան ընդհանուր ժողովը ընտրեց նաեւ չորս վարչականներ, յանձինս՝ Գերյ. Հ. Անդրանիկ Ծ.Վ. Կռանեանի՝ առաջին Խորհրդական եւ Վանքի Փոխ Մեծաւոր, Հ. Բարսեղ Վրդ. Պաղտասարեանի՝ ընդհանուր մատակարար եւ Տեսուչ Զմմառի «Երանելի Մալոյեան» ընծայարանին եւ «Ս. Միքայէլ» կղերանոցին, Հ. Մովսէս Վրդ. Տօնանեանի՝ Միաբանութեան ընդհանուր քարտուղար, մատենադարանապետ, թանգարանապետ ու լուսարար եւ Հ. Եղիա Վրդ. Դերձակեանի՝ ներքին մատակարար:

ԳԼԽԱՒՈՐ ԼՈՒՐԵՐ

  • Զմմառու Պատրիարքական Կղերի Միաբանութեան Փոխանորդի այցելութիւնը Հայաստան
    Զմմառու Պատրիարքական Կղերի Միաբանութեան Փոխանորդի այցելութիւնը Հայաստան

    Զմմառու Պատրիարքական Կղերի Միաբանութիւնը իր հիմնադրութեան օրէն՝ նուիրուեցաւ հայ ժողովուրդին ծառայութեան և իր բաժինը բերաւ հոգեւոր սնունդ մատակարարելով Մայր Հայրենիքի և Սփիւռքի Կաթողիկէ Հայոց:

  • Էմմանուէլ Արք. Տապպաղեան ոչ եւս է
    Էմմանուէլ Արք. Տապպաղեան ոչ եւս է

    Ողջոյն քեզ Սուրբ Եկեղեցի։ Ողջոյն քեզ սեղան սրբութեան։ Ողջոյն ձեզ դասք քահանայութեան։ Ողջոյն ձեզ հաւատացեալ եղբարք իմ ի Քրիստոս։ Ողջոյն ձեզ համօրէն ժողովրդականք։ Ես ճանապարհորդեցի առ Արարիչ իմ։ Ես ճանապարհորդեցի առ Քրիստոս յոյս ամենեցուն:

  •  «Ես եմ Յարութիւն և Կեանք»
    «Ես եմ Յարութիւն և Կեանք»
    Տանն Կիլիկիոյ Կաթողիկէ Հայոց Ամենապատիւ և Գերերջանիկ Տէր Գրիգոր Պետրոս Ի. Կաթողիկոս Պատրիարքը, Հայ Կաթողիկէ Եպիսկոպոսաց Դասը, Զմմառու Պատրիարքական Կղերի Միաբանութիւնը և Տապպաղեան ընտանիքը, սրտի խոր կսկիծով կը գուժեն Զմմառու Պատրիարքական Կղերի Միաբանութեան անդամ եւ Պաղտատի վաստակաւոր Առաջնորդ՝ Արհի. Հ. Էմմանուէլ Արք. Տապպաղեանի վախճանումը, որ տեղի ունեցաւ Հինգշաբթի 13 Սեպտեմբեր 2018-ին, առաւօտուն, Ս. Խաչ քոյերու հանգստատան մէջ, յետ կարճատեւ հիւանդութեան: 
  • ՏՕՆ ՎԵՐԱՓՈԽՄԱՆ ՍՐԲՈՅ ԿՈՒՍԻՆ ՄԱՐԻԱՄՈՒ ԵՒ ԵՊԻՍԿՈՊՈՍԱԿԱՆ ՁԵՌՆԱԴՐՈՒԹԻՒՆ ԵՒ ՕԾՈՒՄ ԳԵՐՅ. Հ. ԵՂԻԱ Ծ. ՎՐԴ. ԵՂԻԱՅԵԱՆԻ
    ՏՕՆ ՎԵՐԱՓՈԽՄԱՆ ՍՐԲՈՅ ԿՈՒՍԻՆ ՄԱՐԻԱՄՈՒ ԵՒ ԵՊԻՍԿՈՊՈՍԱԿԱՆ ՁԵՌՆԱԴՐՈՒԹԻՒՆ ԵՒ ՕԾՈՒՄ ԳԵՐՅ. Հ. ԵՂԻԱ Ծ. ՎՐԴ. ԵՂԻԱՅԵԱՆԻ

    Կիրակի, 12 Օգոստոս 2018-ին, առաւօտեան ժամը 10:30-ին, Սուրբ Աստուածածնայ Վերափոխման տօնին, Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Գրիգոր Պետրոս Ի. Կաթողիկոս Պատրիարքը, Զմմառու վանքի «Երանելի Մալոյեան» ամփիթատրոնին մէջ, Հայրապետական Ս. Պատարագին ընթացքին կատարեց եպիսկոպոսական ձեռնադրութիւնն ու օծումը Զմմառու Պատրիարքական Կղերի Միաբանութեան անդամ՝ Հ. Եղիա Ծ. Վրդ. Եղիայեանի ՝ որպէս Առաջնորդ Ֆրանսայի Կաթողիկէ Հայոց՝ Փարիզի Ս. Խաչ Թեմի: 

View All

inside picture