նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Ս. Միքայէլ Ընծայարանի Անուանակոչութեան Տօնակատարութիւն

5 Նոյեմբեր 2016-ի առաւօտեան ժամը 11:00-ին, Զմմառեան միաբանութեան մայրավանքի վերափոխման Սուրբ Կուսին եկեղեցւոյ կոչնակները աւետեցին համանուն միաբանութեան ընծայարանի անուանակոչութեան բարեբաստիկ լուրը:


Նախագահութեամբ՝ Ամեն. եւ Գերջ. Տ.Տ. Գրիգոր Պետրոս Ի. Կաթողիկոս Պատրիարքի Տանն Կիլիկիոյ Կաթողիկէ Հայոց:
Սոյն տօնակատարութեան պատարագը մատոյց Պատրիարքական Փոխանորդ Զմմառու Պատրիարքական Կղերի Միաբանութեան եւ Մեծաւոր Զմմառու Վանքին, Գերպծ. Գաբրիէլ Թ.Ծ.Վրդ. Մուրատեան:20140731024409 IMG 1031
Ներկայութեամբ՝ հայ կաթողիկէ համայնքի Եպիսկոպոսներու, Վարդապետներու, Քահանաներու եւ Քոյրերու: Պապական նուիրակ՝ Կապրիէլլա Քաչչա-ի, Լիբանանի մօտ Հ.Հ. արտակարգ եւ լիազօր դեսպան Տիար Սամուէլ Մկրտչեանի, Լատին համայնքի եպիսկոպոս՝ Արհի. Սեզար Եսայեանի եւ այլոք:20140731024038 IMG 1029
Հոգեպարար արարողութեան աւարտին Զմմառեան միաբանութեան Սուրբ Միքայէլ ընծայարանի եւ Երանելի Իգնատիոս Մալոյեան դպրեվանքի սեղանատան մէջ տեղի ունեցաւ հացկերոյթ:
Աւանդութեան համաձայն իւրաքանչիւր տարի, դպրեվանքի անուանակոչութեան հանդիսութիւնը կը նուիրուի՝ հայ Սուրբի մը վարքին, կամ յիշատակութեան արժանի պատմական դէպքի մը եւ իր վաստակով նշանակելի աւանդ թողած դէմքի մը:20140731035330 IMG 1079

Այս տարուան յայտագիրը՝ Հայաստանի վերանկախացման 25 ամեակին ձօնուեցաւ: Սեղանի օրհնութենէն անմիջապէս ետք հնչեց՝ դպրեվանքի քայլերգը: 20140731043434 IMG 1105
Ողջոյնի խօսքը արտասանեց նորընծայ՝ Սերժ Քիւշերեանը:
ժառանգաւորաց փոխ-տեսուչ Մաշտոց Վրդ. Զահթէրեան՝ նախքան դպերվանեցիներէ բաղկացած երգչախումբը ղեկավարելը՝ հակիրճ ձեւով ներկայացուց շարականի դերն ու նշանակութիւնը հայ իրականութեան մէջ ընդհանրապէս եւ մասնաւորաբար վանականներու կեանքէն ներս, ըսելով «Այս տարուայ յայտագրին տեսչութիւնս ուզեց նոր որակ եւ հնչեղութիւն ներմուծել, համադրելով՝ հայ գրականութեան հնագոյն եւ ամենասիրուած տեսակը, շարականը՝ բովանդակութեան եւ գեղարուեստական ձեւի առումով:
Դարեր շարունակ լայն ժողովրդականութիւն վայելող շարականը՝ մշակման եւ դասական կատարելագործման հասցուցին մեր եկեղեցւոյ հայրերը: Քանզի ան մեծ դեր եւ նշանակութիւն ունեցած է եւ կը շարունակէ պահել իր այժմէականութիւնը վանական կեանքէն ներս:
Զմմառու Կղերի միաբանութեան հայրերը եւս յօրինած եւ դաշնաւորած են՝ բազում-բազմապիսի շարականներ:
Տրուած ըլլալով, որ հաւատացեալ հանրութեան՝ շարականներու ունկնդրութեան հնարաւորութիւն կ'ընձեռուի՝ սոսկ տօնական օրերուն, եւ որոհետեւ տարին ամբողջ տօնական է եւ եռուն. առ այդ մեր դպրեվանքի աւանդական անուանակոչութիւնը լաւագոյն առիթն է, մեր պապերէն մեզի ժառանգուած շարականները արժեւորել, մեծարել ու զայն փոխանցել դարերուն» փոխ-տեսուչի սոյն ներկայացումէն ետք ընթացք առաւ շարականներու կատարողութիւնը «Հայկական Միջնադարեան մեղեդիներ եւ տաղեր» խորագրով:
Ժառանգաւորաց Տեսուչ՝ Գեր. Բարսեղ Վրդ. Պաղտասարեան, Հայաստանի վերանկախացման 25 ամեակի շուրջ իր մտորումները կիսեց ներկաներուն հետ: Տեսուչ հայր Սուրբը իր խօսքը եզրափակեց շնորհաւորելով դպրեվանքի անուանակոչութիւնը:
Այնուհետեւ Մաշտոց Վրդ. Զահթէրեան կատարեց դպրեվանքի տարեգիրք «Կանչ Հրեշտակապետին» գրախօսականը:
Միջոցառման ֆրանսերէն լեզուով իր սրտի խօսքը արտասանեց Պատրիարքական Փոխանորդ Զմմառու Պատրիարքական Կղերի Միաբանութեան եւ Մեծաւոր Զմմառու Վանքին, Գերպծ. Գաբրիէլ Թ.Ծ.Վրդ. Մուրատեան. ան բարձր գնահատեց սոյն ձեռնարկը կազմակերպողներուն ի դէմս տեսուչ հօր եւ փոխ տեսուչին. Անդրադարձաւ հրեշտակապետներուն կարեւորութեանը մեր կեանքին մէջ՝ պաշտպանուելու սատանային որոգայթներէն: Յուսկ, խրախուսեց նորընծաներուն եւ ժառանգաւորներուն հաստատ մնալու իրենց կոչմանը մէջ, զոր Աստուծմէ տրուած շնորհ եւ պարգեւ մըն է, որով ամէն ոքի չէ, որ կ'ընձեռու սոյն մենաշնորհը:
Ներկաներէն Արհի. Սեզար Եսայեան խօսք առնելով բարձր գնահատեց հայ համայնքը. ան հաստատեց՝ թէեւ փոքր ածու մըն ենք սակայն կարեւոր վկայութիւն մը ունինք արտայայտելիք Արեւելքի մէջ: Իսկ Պապական նուիրակ՝ Արհի. Կապրիէլէ Քաչչա, իր կարգին, շնորհաւորեց ժառանգաւորները, որոնք այս տօնակատարութեան եւ հաւաքոյթին կեդրոնն էին:
Ամեն. եւ Գերերջ. Հոգեւոր Տէրը իր հայրական պատգամին մէջ դրուատեց ժառանգաւորաց յարկէն ներս ծաւալուող աշխատանքները: Ան Շնորհաւորեց դպրեվանքի անուանակոչութիւնը եւ բոլոր անոնց որոնք կը կրեն հերշտակապետերու անունը ի դէմս Մեծաւոր Հօր՝ Գերպծ. Գաբրիէլ Թ.Ծ.Վրդ. Մուրատեանին եւ ամէնքը միասնաբար հատեցին օրուան կարկանդակը:
Աւարտին հիւրերը ստացան դպրեվանքի պաշտօնաթերթ՝ «Կանչ Հրեշտակապետին» տարեգիրքի վերջին օրինակը զոր լոյս ընծայած էր՝ ընդամէնը մէկ օր առաջ: Goghk 1 Outline-01

ԳԼԽԱՒՈՐ ԼՈՒՐԵՐ

  • Յիսուս Քրիստոսի Ս. Ծնունդը
    Յիսուս Քրիստոսի Ս. Ծնունդը

    25 դեկտեմբերի առաւօտեան ժամը 10,30-ին, Զմմառու վանքի Փոխման Ս.Կուսին Մայր եկեղեցւոյ մէջ, տեղի ունեցաւ Յիսուս- Քրիստոսի Ս. Ծննդեան պատարագը, զոր մատոյց` Զմմառու Պատրիարքական կղերի Միաբանութեան Պատրիարքական փոխանորդ, Զմմառու վանքի Մեծաւոր` Գերպծռ.Գաբրիէլ Թ.Ծ.Վ.Մուրատեանը, առընթերակայութեամբ Ս.Միքայէլ ընծայարանի եւ Երանելի Իգնատիոս Մալոյեան դպրեվանքի Տեսուչ` Գեր.Գրիգոր Վրդ.Պատիշահի:

  •  Քահանայական ձեռնադրութիւն Դամասկոսի մէջ
    Քահանայական ձեռնադրութիւն Դամասկոսի մէջ

    Շաբաթ, 21 Դեկտեմբեր 2019-ի, երեկոյեան ժամը 5 ին, Դամասկոսի Թագուհի տիեզերաց եկեղեցւոյ մէջ տեղի ունեցաւ Լեւոն Սրկ. Ստեֆանի քահանայական ձեռնադրութիւնը Ձեռամբ` Արհ.Տ.Յովսէփ Եպս.Առնաութեանի:

  • Քահանայական ձեռնադրութիւն
    Քահանայական ձեռնադրութիւն

    Շաբաթ, 14 Դեկտեմբեր 2019-ի, երեկոյեան ժամը 5 ին, Սուրբ Եղիա-Սուրբ Գրիգոր Լուսաւորիչ եկեղեցւոյ մէջ տեղի ունեցաւ` Վարդան Սրկ. Ճալլուֆի եւ Պետրոս Սրկ. Հատտատ Մարաշլեանի քահանայական ձեռնադրութիւնը:

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

View All

inside picture