նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Ս. Ծննդեան հոգեւոր ամփոփում - Այցելութիւն Անարատ Յղութեան Հայ Քոյրերու Տուն

Հինգշաբթի 22 Դեկտեմներ 2016-ին, ի պատրաստութիւն Ս. Ծննդեան տօնին, հոգեւոր ամփոփում տեղի ունեցաւ Զմմառու Տիրամօր վանքի Մայր տաճարին մէջ:

Օրակարգը սկսաւ կէսօրէ ետք ժամը 4:00-ին, Զմմառու Պատրիարքական Կղերի Միաբանութեան Պատրիարքական Փոխանորդ և Զմմառու վանքի Մեծաւոր՝ Հ. Գաբրիէլ Թ.Ծ.Վ. Մուրատեանի կատարած խորհրդածութեամբ, որուն նիւթն էր Քրիստոսի Ս. Ծնունդը: Հոգեւոր ամփոփումին իրենց ներկայութիւնը բերին Զմմառու վանքի Վարչական Խորհուրդի Հայրերը, Զալքայի Ս. Խաչ Եկեղեցւոյ ժողովրդապետ՝ Գեր. Հ. Եղիա Ծ.Վ. Եղիայեան, Ս. Միքայէլ և Երանելի Մալոյեան զոյգ ընծայարաններու սաները: Իր խօսքին մէջ Մեծաւոր Հայրը ըսաւ թէ. «Քրիստոնէութեան սկզբանական շրջանին՝ Յիսուսի ծննդեան տօնը յայտնի էր Աստուածայայտնութեան անունով: Աստուծոյ սէրը չյայտնուեցաւ նշանի մը կամ խօսքի մը միջոցաւ, այլ՝ դարձաւ մարդ: Աստուծոյ սէրը մեծ խորհուրդ մըն է: Ան կը հրաւիրէ մեզ զայն ընդունելու և անոր համաձայն ապրելու: Յիսուսի ծնունդն ու յայտնութիւնը սիրոյ և ներողամտութեան վրայ հիմնուած խորհուրդ մըն է՝ մեղքի, ատելութեան և պատերազմներու մէջ խարխաբող մարդկութեան համար: Ասիկա Աստուծոյ և մարդկութեան մտերմութեան խորհուրդն է: Քրիստոսի Ծնունդը նոր յոյս ներշնչեց մարդկութեան, յատկապէս անտեսուածներուն, և մենք այսօր մեր կարգին՝ այդ լոյսը պէտք է փոխանցենք մեր շրջապատին, թէ՝ Ս. Կոյս Մարիամէն ծնեալ Յիսուսը Հօր Աստուծոյ թանկագին պարգեւն է շնորհուած մարդկութեան: Քրիստոսի յայտնութիւնը իւրաքանչիւրիս համար Աստուծոյ պարգեւն է»: Հոգեւոր խորհրդածութեան աւարտին՝ Մեծաւոր Հայրը, Վարչական Հայրերը և դպրեվանքի սաները անակնկալ այցելութիւն տուին Զմմառու Անարատ Յղութեան Քոյրերու մենաստանին, ուր կը գտնուին տասնեակ մը որբուհիներ: Այս առթիւ՝ որբուհիները գեղարուեստական յատագիր մը ներկայացուցին ընտանեկան ջերմ մթնոլորտի մէջ, որմէ ետք տօնական ուրախ մթնոլորտի մէջ՝ Կաղանդ Պապան ժամանեց և նուէրներ բաշխեց քոյրերուն և փոքրիկներուն: Յիշատակելի և անմոռանալի պահեր ապրելէ ետք, կատարուեցան փոխադարձ բարեմաղթութիւններ և հասարակութիւնը վերադարձաւ վանք: Երեկոյեան ժամը 7-ին, Սուրբ և Անմահ պատարագ մատոյց վանահայրը: Հուսկ՝ ամփոփումի օրուան աւարտին տեղի ունեցաւ ընթրիք, վանական ջերմ մթնոլորտի մէջ:

23-12-16

ԳԼԽԱՒՈՐ ԼՈՒՐԵՐ

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

  • Ս.Միքայէլ ընծայարանի անուանակոչութիւնը
    Ս.Միքայէլ ընծայարանի անուանակոչութիւնը

    Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

View All

inside picture