նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Ս. Ծննդեան Տօնը Զմմառու վանքին մէջ

Ճրագալոյցի Ս. Պատարագ Զմմառու վանքին մէջ:

Շաբաթ 24 Դեկտեմբեր 2016-ի երեկոյեան ժամը 17:00-ին, Զմմառու Մայր Տաճարին մէջ, Ս. Ծննդեան Ճրագալոյցին առիթով, տեղի ունեցաւ Մարգարէութեանց ընթերցում և Հանդիսաւոր Սուրբ և Անմահ Պատարագ, 

զոր մատոյց Գերյ . Հ. Անդրանիկ Ծ.Վ. Կռանեան: Հայր սուրբը իր քարոզին մէջ անդրադարձաւ Ս. Ծննդեան խորհուրդին, որուն միջոցաւ երկինքն ու երկիրը իրար կը միանան: Յիսուսի ծնունդով պատմութեան նոր էջ մը բացուեցաւ, սէրն ու արդարութիւնը տարածուեցաւ աշխարհի չորս ծագերուն: Այդ սիրոյ վրայ հիմնուեցաւ քրիստոնէական կրօնքը: Եթէ Քրիստոս չծնէր, քրիստոնէութիւնը գոյութիւն չէր ունենար, և մենք չէինք ապրեր այս խորհրդաւոր պահը Զմմառու վանքի այս դարաւոր յարկին ներքեւ և Տիրամօր հովանիին տակ: Ս. Պատարագի աւարտին՝ Զմմառու Պատրիարքական Միաբանութեան Փոխանորդ ՝ Հ. Գաբրիէլ Թ.Ծ.Վ. Մուրատեան Մանուկ Յիսուսի մսուրը օրհնեց «Խորհուրդ Մեծ և սքանչելի» շարականի երգեցողութեան միջոցին: Ապա խթման ընթրիք տեղի ունեցաւ, որուն իրենց մասնակցութիւնը բերին Մեծաւոր Հայրը, Վարչական վարդապետները, Դպրեվանքի սաները և ժառանգաւորաց հարազատները: Այս առթիւ՝ նաեւ գեղարուեստական յայտագիր մը ներկայացուեցաւ, որու ընթացքին Ս. Ծննդեան երգեր երգուեցան և Կաղանդ Պապային ժամանումով, ընտանեկան այս ջերմ մթնոլորտը իր գագաթնակէտին հասաւ:

Ս. Ծննդեան Պատարագ Զմմառու վանքին մէջ:

Կիրակի 25 Դեկտեմբեր 2016-ի առաւօտեան, Զմմառու Մայր Տաճարին մէջ, Ս. Ծննդեան Սուրբ և Անմահ Պատարագ մատոյց Գերպծ. Հ. Գաբրիէլ Թ. Ծ. Վրդ. Մուրատեան: Պատարագին ներկայ գտնուեցան Վարչական Հայրեր, ժառանգաւորներ և հաւատացեալներ: Իր քարոզին մէջ Գերապայծառ Հայրը անդրադարձաւ Քրիստոսի Ծննդեան խորհուրդին, որ համայն քրիստոնեայ աշխարհը կը տօնախմբէ այսօր: Ապա ան իր խօսքը ուղղելով՝ ներկաներուն ըսաւ. «Բէթղեհէմի քարայրին մէջ ծնած Մանուկ Յիսուսի լոյսը լուսաւորեց համայն աշխարհը: Այսօր հակառակ որ աշխարհը, մանաւանդ Միջին Արեւելքը կը խարխափին պատերազմներու մէջ, մենք քրիստոնեաներս մեծ շուքով կը տօնախմբենք այս սուրբ տօնը, որովհետեւ Աստուած իր անհուն սէրը մեզի պարգեւեց Յիսուսի հրաշափառ ծննդեամբ և ամէն տարի Քրիստոսի Ծնունդը մեզմէ իւրաքանչիւրին նոր յոյս կը ներշնչէ, ապրելու համար Աստուծոյ շնորհքով լեցուած քրիստոնավայել կեանք մը: Յիսուս երկինքէն իջաւ և մեր մէջ բնակեցաւ, որպէսզի մեզի սորվեցնէ թէ ինչպէս պէտք է իրարու հետ ապրինք՝ սիրով և ներողամտութեամբ: Սիրելինե՛ր իմ մաղթանքն է, որ Մանուկ Յիսուսը աշխարհը ողողէ իր աստուածային սիրով և սիրով լեցնէ մեր սրտերը, մեր ընտանեկան յարկերը, որովհետեւ առանց անկեղծ սիրոյ՝ ոչ խաղաղութիւն և ոչ ալ երջանիկ կեանք կայ, այլ կայ միայն անարդարութիւն և մահ»: Ս. Պատարագի աւարտին՝ ներկաները թափօրով ուղղուեցան դէպի Մայրավանքի դահլիճը, ուր յաւուր պատշաճի հիւրասիրութիւն տեղի ունեցաւ և փոխադարձ մաղթանքներ կատարուեցան, ըսելով. «Քրիստոս ծնաւ և յայտնեցաւ, ձեզի մեզի մեծ Աւետիս»:

 

ԳԼԽԱՒՈՐ ԼՈՒՐԵՐ

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

  • Ս.Միքայէլ ընծայարանի անուանակոչութիւնը
    Ս.Միքայէլ ընծայարանի անուանակոչութիւնը

    Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

View All

inside picture