նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Յայտնութեան Տօնը Զմմառու մէջ

Ուրբաթ 6 Յունուար 2017-ին, առաւօտեան ժամը 10:30-ին, մեր Տիրոջ Յիսուսի Քրիստոսի Աստուածայայտնութեան և Մկրտութեան տօնին առթիւ, Զմմառու Վանքի Մայր Տաճարին մէջ Ձայնաւոր Ս. Պատարագ մատուցանեց և Ջրօրհնէք կատարեց Զմմառու Մայրավանքի Ընդհանուր Մատակարար և «Ս. Միքայէլ» և «Երանելի Մալոյեան» դպրեվանքերու տեսուչ՝ Հ. Բարսեղ Վրդ. Պաղտասարեան:

Ս. Պատարագին իրենց մասնակցութիւնը բերին Վարչական Հայրեր, Դպրեվանքի նորընծաներ և հաւատացեալ ժողովուրդ: Ս. Պատարագի ընթացքին՝ Գերապատիւ Հայրը իր քարոզին մէջ, անդրադառնալով օրուան խորհուրդին, ըսաւ թէ՝ Ջրօրհնէքը Քրիստոսի Մկրտութեան յիշատակումն է: Հայ Եկեղեցւոյ աւանդութեան համաձայն՝ ջուրի օրհնութիւնը Ս. Միւռոնով կը կատարուի՝ որպէս դարման հիւանդութեանց և որպէս օրհնութիւն աստուածային: Երբ Յիսուս մկրտուեցաւ Յորդանան գետին մէջ Յովհաննէս Մկրտիչի կողմէ, Ս. Հոգին աղաւնիի կերպարանքով եկաւ հաստատելու անոր աստուածային բնութիւնը: Քրիստոսի Աստուածայայտնութեան տօնին նուիրական այս օրը, աղօթք բարձրացնենք Աստուածորդիին՝ աշխարհի խաղաղութեան և աշխարհասփիւռ մեր ժողովուրդի բարօրութեան համար: Մեղքերով փոթորկուող աշխարհը՝ Քրիստոսով նորոգուեցաւ, մարդոց տրուեցաւ նոր արարած ըլլալու շնորհքը, ինչպէս նաեւ աշխարհի մէջ խաղաղութիւն, սէր և հաճութիւն հաստատելու պատգամը: Կը հայցենք Ամենաբարին Աստուծմէ որ մարդոց սրտերէն հեռացնէ բռնութեան և ատելութեան որոմները և սիրոյ և համերաշխութեան շնորհքները սերմանէ»: Աստուծոյ օրհնութիւնը՝ թող իջնէ մեր հաւատաւոր ժողովուրդին զաւակներուն վրայ ի Հայաստան, Արցախ և ի Սփիւռս: Ս. Պատարագի աւարտին՝ կատարուեցաւ աւանդական Ջրօրհնէքի կարգը: Այնուհետեւ հոգեւոր Հայրերը, դպրաց դասն ու հաւատացեալները հանդիսաւոր թափօրով ուղղուեցան վանքիս մայր դահլիճը, ուր Տնօրհնէք և յաւուր պատշաճի հիւրասիրութիւն տեղի ունեցաւ և փոխադարձ մաղթանքներ կատարուեցան:

Շաբաթ 07 Յունուար 2017-ի առաւօտեան ժամը 8:00-ին, Աստուածայայտնութեան Մեռելոցի օրը, Զմմառու վանքի Մայր Տաճարին մէջ Սուրբ և Անմահ Պատարագ մատուցանեց Գեր. Հ. Բարսեղ Վրդ. Պաղտասարեան, ի հանգիստ Զմմառու Պատրիաքական Միաբանութեան լուսահոգի Հայրապետներուն և Միաբան Հայրերուն հոգիներուն: Ս. Պատարագին իրենց մասնակցութիւնը բերին Վարչական հայրեր, վանաբնակ վարդապետներ և Դպրեվանքի նորընծաներ: Յաւարտ Ս. Պատարագին՝ հանդիսաւոր թափօրով հոգեւորական դասը ուղղուեցաւ Մայրավանքիս դամբարանը, ուր հոգեհանգստեան պաշտօն կատարուեցաւ Միաբանութեանս ննջեցեալ Հայրերու հոգիներուն համար:

ԳԼԽԱՒՈՐ ԼՈՒՐԵՐ

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

  • Ս.Միքայէլ ընծայարանի անուանակոչութիւնը
    Ս.Միքայէլ ընծայարանի անուանակոչութիւնը

    Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

View All

inside picture