նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Կղերիկոսական առաջին չորս աստիճաններու տուչութիւն Զմմառու Մայրավանքի Եկեղեցւոյ մէջ

Չկայ աւելի նուիրական զգացում, քան մարդս ինքզինք ընծայաբերէ Տիրոջ հնազանդութեան եւ ծառայութեան ի սպաս:

Այսպէս, Զմմառեան միաբանութեան Երանելի Իգնատիոս Մալոյեան Դպրեվանքի երեք ժառանգաւորներ՝ եղբ. Կարօ Գլընճեան, եղբ. Վարդան Ճալլուֆ եւ եղբ. Լեւոն Ստեփանը, յետ իրենց ուսմանց, անսալով Տիրոջ կոչին՝ շաբաթ 4 փետրուար 2017-ին, յետմիջօրէի ժամը 7-ին, երեկոյեան ժամերգութեան աւարտին, Զմմառու մայրավանքի Վերափոխման Ս. Կուսին Եկեղեցւոյ մէջ ընդունեցին կղերիկոսական առաջին չորս աստիճանները: 

Ձեռամբ՝ Գերապայծառ Հայր Գաբրիէլ Թագադիր Ծայրագոյն Վարդապետ Մուրատեանի, Պատրիարքական Փոխանորդ Զմմառու Պատրիարքական Կղերի Միաբանութեան, Մեծաւոր Զմմառու Վանքի, եւ Պատրիարքական Փոխանորդ Պէյրութի թեմի, եւ խարտաւիլակութեամբ՝ Գերապատիւ Հայր Բարսեղ Վարդապետ Պաղտասարեանի, Տեսուչ Զմմառու երանելի Իգնատիոս Մալոյեան Դպրեվանքի:
Արդարեւ, ժառանգաւորները, հանրութեան առջեւ, իրենց հաւատոյ դաւանութիւնը յայտարարեցին: Գերապայծառ հայրը խաչաձեւ կտրելէ անոնց մազերը, անոնց յանձնեց եկեղեցւոյ մաքրութեան, դռնապանութեան եւ ընթերցողութեան իշխանութիւնը: Ապա՝ երդմնեցուցիչի ու ջահընկալութեան կարգերը:
Աւարտին, սարկաւագին քարոզին յաջորդեց Գերապայծառ հօր փակման աղօթքը, ապա Տէրունական աղօթքով վերջ գտաւ հոգեպարար արարողութիւնը:

 

ԳԼԽԱՒՈՐ ԼՈՒՐԵՐ

  • Զմմառու Վանքի Ուխտի Օր
    Զմմառու Վանքի Ուխտի Օր

    Զմմառու վանքի Վարչական Խորհուրդին կազմակերպութեամբ, Կիրակի 27 Մայիս 2018-ին, մեծ շուքով տօնախմբուեցաւ Ս. Աստուածածնի նուիրուած աւանդական Ուխտի Օրը:

  • Գիտաժողով Վենետիկի Ս. Ղազար կղզիին մէջ
    Գիտաժողով Վենետիկի Ս. Ղազար կղզիին մէջ
    2017-18 թուին, մեծ շուքով յիշատակուեցաւ Մխիթարեան Միաբանութեան, Վենետիկի Ս. Ղազար կղզի հաստատման երեք հարիւրամեակը: Այս առթիւ կազմակերպուեցան յոբելինական հանդիսութիւններ, որոնց շարքին նաեւ գիտաժողով մը՝ «Մխիթար և Մխիթարեաններ. Քրիստոնէական լուսաւորութեան դպրանոց մը» տիտղոսով: 
  • ՅԱՐՈՒԹԻՒՆ Տ.Մ.Յ. ՔՐԻՍՏՈՍԻ
    ՅԱՐՈՒԹԻՒՆ Տ.Մ.Յ. ՔՐԻՍՏՈՍԻ
    Հնաւուրց Զմմառու Մայրավանքի՝ խնկաբոյր Ս. Կուսի Վերափոխման եկեղեցւոյ մէջ՝ Քրիստոսի Հրաշափառ Յարութեան օրը, 1 ապրիլ 2018ին, առաւել ուրախ եւ խանդավառ մթնոլորտ մը կը թեւածէր:
  • Ծաղկազարդ
    Ծաղկազարդ

        Կիրակի 25 Մարտ 2018-ին, Ծաղկազարդի տօնին առթիւ՝ առաւօտեան ժամը 10:30-ին, Զմմառու վանքի մայր տաճարին մէջ պատարագեց և քարոզեց Զմմառու Պատրիարքական Կղերի Միաբանութեան Փոխանորդ և վանքիս Մեծաւոր՝ Գերպ. Հ. Գաբրիէլ Թ.Ծ.Վ. Մուրատեան: 


        Մեծաւոր Հայրը անդրադառնալով Ծաղկազարդի խորհուրդին, ըսաւ. «Պատմութեան ընթացքին բազմաթիւ արքաներ յաղթական մուտք գործեցին Երուսաղէմ, սակայն անոնք երկրաւոր և ժամանակաւոր էին: Իսկ Քրիստոս իբրեւ յաւիտենական և երկնաւոր արքայ մուտք գործեց Երուսաղէմ քաղաք»:
       Ս. Պատարագի աւարտին, տեղի ունեցաւ ձիթենիի ճիւղերու օրհնութիւն: Այնուհետեւ պատարագիչ Հայրը, վանքիս Վարչական Խորհուրդի ու վանաբնակ հայրերը, «Ս. Միքայէլ» և «Երան. Մալոյեան» դպրեվանքի սաները, ինչպէս նաեւ բազմաթիւ ուխտաւոր հայորդիներ թափօրով ուղղուեցան դէպի վանքիս մայր եկեղեցւոյ աւագ դուռը, ուր տեղի ունեցաւ Անդաստան և օրհնուեցան աշխարհի չորս ծագերը: 
        Ծաղկազարդի տօնակատարութեան յաջորդեց Դռնբացէքի հնաւանդ արարողութիւնը, որմէ ետք՝ վանքի մայր դահլիճին մէջ տեղի ունեցաւ շնորհաւորութիւն և յաւուր պատշաճի հիւրասիրութիւն:
     
View All

inside picture