նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Տեառնընդառաջ - Մոմերու Օրհնութիւն և Անդաստան

Կիրակի 5 Փետրուար 2017-ին, առաւօտեան ժամը 10:30-ին, Զմմառու Տիրամօր վանքի Մայր Տաճարին մէջ, Սուրբ և Անմահ Պատարագ մատոյց Զմմառու Պատրիարքական Միաբանութեան Փոխանորդ և Մեծաւոր վանքիս՝ Գերպծ. Հ. Գաբրիէլ Թ.Ծ.Վ. Մուրատեան:


Ս. Պատարագին իրենց մասնակցութիւնը բերին վարչական Հայրեր, Ս. Միքայէլ և Եր. Իգնատիոս Մալոյեան Դպրեվանքի սաներն եւ ուխտաւոր հաւատացեալներ: Պատարագիչ Հայրը իր քարոզին մէջ անդրադառնալով Տեառընդառաջի խորհուրդին, ըսաւ. «Եկեղեցւոյ Հայրերը եկեղեցական տարին բաժնած են ծիսական զանազան ժամանակաշրջաններու, որոնք կը յիշեցնեն մեզի Քրիստոսի կեանքին խորհուրդները: Ս. Ծննդեան և Յայտնութեան շրջանը կը փակուի Տեառնընդառաջի տօնով: Տեառնընդառաջ կը նշանակէ Տիրոջ ընդ առաջ երթալ, Աստուծոյ առջեւ կանգնիլ, Աստուծոյ մօտենալ: Յիսուսի ծնած օրէն սկսեալ, ոմանք զինք դիմաւորեցին ուրախութեամբ, իսկ ուրիշներ տխրութեամբ: Հովիւները եւ մոգերը, երբ իմացան Յիսուսի աշխարհ գալստեան լուրը, եկան յարգանք մատուցանելու անոր եւ խոնարհեցան անոր առջեւ։ Մինչ, Հերովդէս արքան իմանալով Յիսուսի ծննդեան լուրը, զայրացաւ եւ որոշեց սպաննել զինք եւ պատճառ դարձաւ անմեղ մանուկներու ջարդին: Սիմէոն ծերունին, իր օրերը կ’անցընէր աղօթելով եւ Իսրայէլի իր անձկագին մխիթարիչը տեսնել ու խաղաղութեան մէջ իր աչքերը փակել: Ան Քրիստոսի մէջ տեսաւ Մեսիայի գալուստը և իր փրկութիւնը: Այսօր, նոյն ընտրանքը պէտք է կատարենք նաեւ մենք: Այս աշխարհի չարիքէն հեռանալով, մեղքերու թողութիւն խնդրելով, Աստուծոյ հանդէպ վստահութիւն ունենալով և Յիսուսի ուսուցումներուն հետեւելով ապրինք: Տեառնընդառաջի տօնին միախառնուած է Հայոց հեթանոսական շրջանէն մեզի հասած կրակի պաշտամունքի տօնը, նուիրուած՝ Միհր չաստուածին: Այն մոմերը, զորս այսօր պիտի օրհնենք, մեր քրիստոնեայ հաւատքին աննիւթական արտայայտութիւններուն մէկ երեւոյթն են: Այս օրհնուած մոմերով թէ՛ մեր հոգիները և թէ՛ մեր ընտանեկան յարկերը կը լուսաւորենք»:
Պատարագի աւարտին՝ տեղի ունեցաւ Տեառնընդառաջի մոմեղինաց օրհնութիւն: Այնուհետեւ մայր տաճարի գաւիթին մէջ, հինաւուրց աւանդութեան համաձայն, խարոյկ վառուեցաւ և անդաստանի արարողութիւն կատարուեցաւ անոր շուրջ:

ԳԼԽԱՒՈՐ ԼՈՒՐԵՐ

  • ՈՉ ԵՒՍ Է ՀԱՅՐ ԱՆԴՐԱՆԻԿ Ծ. ՎՐԴ. ԿՌԱՆԵԱՆ
    ՈՉ ԵՒՍ Է ՀԱՅՐ ԱՆԴՐԱՆԻԿ Ծ. ՎՐԴ. ԿՌԱՆԵԱՆ

     

     ՅՈՒՂԱՐԿԱՒՈՐՈՒԹԻՒՆ ԵՒ ԹԱՂՈՒՄ ՀԱՅՐ ԱՆԴՐԱՆԻԿ Ծ. ՎՐԴ. ԿՌԱՆԵԱՆԻ
     
     Ողջոյն քեզ Սուրբ Եկեղեցի։ Ողջոյն քեզ սեղան սրբութեան։ Ողջոյն ձեզ դասք քահանայութեան։ Ողջոյն ձեզ հաւատացեալ եղբարք իմ ի Քրիստոս։ Ողջոյն ձեզ համօրէն ժողովրդականք։ Ես ճանապարհորդեցի առ Արարիչ իմ։ Ես ճանապարհորդեցի առ Քրիստոս յոյս ամենեցուն:
     
    Հայ Եկեղեցւոյ եւ ժողովուրդին իր պարտքը աւելիով հատուցած, գրեթէ դարու մը կեանքով բեղմնաւոր, Զմմառու Պատրիարքական Կղերի         Միաբանութեան երիցագոյն անդամ՝ Հ. Անդրանիկ ծ. վրդ. Կռանեան իր աչքերը փակեց 27 սեպտեմբեր 2017-ին, կենաց 88-րդ եւ քահանայութեան 63-րդ տարին, ի Զմմառ:
  • ԳՈՅԺ
    ԳՈՅԺ

    «Ես եմ Յարութիւն և կեանք»

    Զմմառու Ցաւագին Տիրամօր վանքէն սրտի խոր կսկիծով և յուզումով կը գուժենք, թէ Զմմառու Պատրիարքական Կղերի Միաբանութեան երիցագոյն անդամներէն՝ Հ. Գասպար Վ. Պէյլէրեան յետ երկարատեւ հիւանդութեան հանգեաւ ի Տէր, Չորեքշաբթի 6 Սեպտեմբեր 2017-ին, առաւօտեան ժամը 7:00-ին, Պոլսոյ մէջ: 

  • ՀԲԸՄ-ի նախագահը կ՚այցելէ Զմմառու Տիրամօր Վանքը
    ՀԲԸՄ-ի նախագահը կ՚այցելէ Զմմառու Տիրամօր Վանքը

    Կիրակի, 27 Օգիստոս 2017-ին, առաւօտուն, Զմմառու Տիրամօր վանքը այցելեց ՀԲԸՄ՝ աշխարհի հայկական մեծագոյն Բարեգործական Միութեան նախագահ՝ Տիար Պերճ Սեդրակեան, 

  • Ս. Աստուածածնի Վերափոխման տօնը Զմմառու վանքին մէջ
    Ս. Աստուածածնի Վերափոխման տօնը Զմմառու վանքին մէջ

    Շաբաթ 12 Օգոստոս 2017-ին, երեկոյեան ժամը 19:00-ին, Ս. Աստուածածնի Վերափոխման տօնին նախօրեակին, Զմմառու միաբան՝ Հ. Տիգրան Վրդ. Փիլիպոսեան հանդիսաւոր Ս. Պատարագ մատուցեց Զմմառու վանքի «Երանելի Մալոյեան» ամփիթատրոնին մէջ, Զմմառու և շրջակայ գիւղերու ուխտաւոր հաւատացեալներու համար:

View All

inside picture