նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Բուն Բարեկենդան եւ Քառասնորդաց Պահքի Շրջան

Բարեկենդան, բառացի՝ կը նշանակէ կենդանութիւն, ուրախութիւն:

Եկեղեցին այդ օրը քահանայական դասին և հաւատացեալներուն կ'արտօնէ ճոխ սեղան և զուարդութիւն՝ յաջորդող պահքէն ներս ուրախ սրտով մտնելու և երկարատեւ ծոմապահութեան օրերուն դիմակալելու համար:

Հայ Եկեղեցւոյ Տօնացոյցի համաձայն՝ Քառասնորդաց Պահքը կը սկսի Բուն Բարեկենդանի Կիրակին, այս տարի՝ 27 Փետրուար 2017 թուին: Մեծ Պահոց առաջին օրը կը կոչուի «Օր Մոխրոց», ուր եկեղեցական հայրը մոխիրը խաչաձեւ կը սրսկէ հաւատացեալին գլխուն վրայ, հետեւեալ խօսքը արտասանելով. «Յիշէ՜ ո՛վ մարդ, որ հող էիր և հող պիտի դառնաս»: Քառասնորդաց շրջանը Քրիստոսի քառասնօրեայ փորձութեան յիշատակն է, անապատին մէջ (Մտթ 4, 1-11):
Քառասնորդաց շրջանին Արեւագալի և Խաղաղական Ժամերը կը կատարուին, որոնք Ս. Ներսէս Շնորհալի Հայրապետը կարգաւորած է: Տարիներու աւանդութեան համաձայն Զմմառու պատմական վանքի Մայր տաճարին մէջ, Միաբան Հայրերու ներկայութեամբ և «Երանելի Մալոյեան» և «Ս. Միքայէլ» դպրեվանքի սաներու մասնակցութեամբ կը կատարուին Մեծ Պահոց օրերու Ժամերգութիւն. Երեքշաբթի երեկոյեան ժամը 7:00-ին՝ Խաղաղական Ժամ, Շաբաթ առաւօտեան ժամը 7:30-ին՝ Արեւագալի Ժամ, Ուրբաթ երեկոյեան՝ ժամը 7:00-ին Ճանապարհ Խաչի աղօթք:

Cross

ԳԼԽԱՒՈՐ ԼՈՒՐԵՐ

  • Յիսուս Քրիստոսի Ս. Ծնունդը
    Յիսուս Քրիստոսի Ս. Ծնունդը

    25 դեկտեմբերի առաւօտեան ժամը 10,30-ին, Զմմառու վանքի Փոխման Ս.Կուսին Մայր եկեղեցւոյ մէջ, տեղի ունեցաւ Յիսուս- Քրիստոսի Ս. Ծննդեան պատարագը, զոր մատոյց` Զմմառու Պատրիարքական կղերի Միաբանութեան Պատրիարքական փոխանորդ, Զմմառու վանքի Մեծաւոր` Գերպծռ.Գաբրիէլ Թ.Ծ.Վ.Մուրատեանը, առընթերակայութեամբ Ս.Միքայէլ ընծայարանի եւ Երանելի Իգնատիոս Մալոյեան դպրեվանքի Տեսուչ` Գեր.Գրիգոր Վրդ.Պատիշահի:

  •  Քահանայական ձեռնադրութիւն Դամասկոսի մէջ
    Քահանայական ձեռնադրութիւն Դամասկոսի մէջ

    Շաբաթ, 21 Դեկտեմբեր 2019-ի, երեկոյեան ժամը 5 ին, Դամասկոսի Թագուհի տիեզերաց եկեղեցւոյ մէջ տեղի ունեցաւ Լեւոն Սրկ. Ստեֆանի քահանայական ձեռնադրութիւնը Ձեռամբ` Արհ.Տ.Յովսէփ Եպս.Առնաութեանի:

  • Քահանայական ձեռնադրութիւն
    Քահանայական ձեռնադրութիւն

    Շաբաթ, 14 Դեկտեմբեր 2019-ի, երեկոյեան ժամը 5 ին, Սուրբ Եղիա-Սուրբ Գրիգոր Լուսաւորիչ եկեղեցւոյ մէջ տեղի ունեցաւ` Վարդան Սրկ. Ճալլուֆի եւ Պետրոս Սրկ. Հատտատ Մարաշլեանի քահանայական ձեռնադրութիւնը:

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

View All

inside picture