նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Ծաղկազարդ և Դռնբացէք

Կիրակի 9 Ապրիլ 2017-ին, Ծաղկազարդի տօնին առթիւ՝ առաւօտեան ժամը 10:30-ին, Զմմառու վանքի մայր տաճարին մէջ Սուրբ և Անմահ Պատարագ մատուցեց Զմմառու Մայրավանքի ընդհանուր մատակարար և զոյգ դպրեվանքերու տեսուչ՝ Գեր. Հ. Բարսեղ Վրդ. Պաղտասարեան:

Պատարագին իրենց մասնակցութիւնը բերին Վարչական Հայրեր, դպրեվանքի սաներ ու խուռներամ բազմութիւն մը հաւատացեալներու: Ծաղկազարդի տօնին առթիւ եկեղեցին զարդաուած էր դափնիի, ձիթենիի, ինչպէս նաեւ արմաւենիի ճիւղերով իբրեւ խաղաղութեան խորհրդանիշ: Պատարագիչ վարդապետը իր քարոզին մէջ անդրադարձաւ Ծաղկազարդի խորհուրդին, ըսելով որ «Ծաղկազարդը առաջին հանգրուանն է Աւագ Շաբթուայ և Ս. Զատկուայ: Այսօր կը տօնենք Քրիստոսի յաղթական մուտքը Երուսաղէմ, որուն պիտի յաջորդէ Քրիստոսի վերջին ընթրիքը, մատնութիւնը, չարչարանքներն ու խաչելութիւնը, որոնց պսակումը պիտի ըլլայ հրաշափառ յարութիւնը»: 

Ս. Պատարագի աւարտին, տեղի ունեցաւ ձիթենիի օրհնութիւն: Այնուհետեւ պատարգիչ Հայրը, Վարչական Խորհուրդը, «Ս. Միքայէլ» և «Երանելի Մալոյեան» Դպրեվանքի սաները, ինչպէս նաեւ ուխտաւոր հայորդիներ թափօրով ուղղուեցան դէպի վանքի շրջափակը, ուր տեղի ունեցաւ Անդաստան և աշխարհի չորս ծագերու օրհնութիւն, որուն յաջորդեց Դռնբացէքի արարողութիւնը:

ԳԼԽԱՒՈՐ ԼՈՒՐԵՐ

  • ԶՄՄԱՌՈՒ ՊԱՏՐԻԱՐՔԱԿԱՆ ԿՂԵՐԻ ՄԻԱԲԱՆՈՒԹԵԱՆ Ս. ՄԻՔԱՅԷԼ ԸՆԾԱՅԱՐԱՆԻ ԱՆՈՒԱՆԱԿՈՉՈՒԹԵԱՆ ՏՕՆ
    ԶՄՄԱՌՈՒ ՊԱՏՐԻԱՐՔԱԿԱՆ ԿՂԵՐԻ ՄԻԱԲԱՆՈՒԹԵԱՆ Ս. ՄԻՔԱՅԷԼ ԸՆԾԱՅԱՐԱՆԻ ԱՆՈՒԱՆԱԿՈՉՈՒԹԵԱՆ ՏՕՆ

     

    Շաբաթ 11 Նոյեմբեր 2017-ի առաւօտեան ժամը 11-ին, Սրբոց հրեշտակապետացն՝ Գաբրիէլի, Միքայէլի և Ռափայէլի, Սերովբէից, Քերովբէից և ամենայն երկնային զօրացն տօնի առթիւ՝ նախագահութեամբ` Տանն Կիլիկիոյ Կաթողիկէ Հայոց Ամենապատիւ և Գերերջանիկ Տէր Գրիգոր Պետրոս Ի. Կաթողիկոս – Պատրիարքի, Զմմառու Պատրիարքական Կղերի Միաբանութեան «Ս. Միքայէլ» դպրեվանքի անուանակոչութեան աւանդական տօնը տեղի ունեցաւ Զմմառու մայրավանքին մէջ:

  • Զմմառու վանք այցելեց Տիար Վարուժան Ներկիզեան:
    Զմմառու վանք այցելեց Տիար Վարուժան Ներկիզեան:

    Կիրակի 12 Նոյեմբեր 2017-ին, առաւօտեան  ժամը 10:30-ին, Զմմառու վանք այցելեց Տիար Վարուժան Ներկիզեան: Ան այս այցելութեան ընթացքին  մասնակցեցաւ Սուրբ և Անմահ Պատարագին, զոր մատոյց Զմմառու Պատրիարքական Կղերի Միաբանութեան Պատրիարքական Փոխանորդ և Զմմառու վանքի Մեծաւոր՝ Հ. Գաբրիէլ Թ.Ծ.Վ. Մուրատեան, մայրավանքի մայր տաճարին մէջ:

  • Ժոզէֆ Եպս. Նաֆֆահ և Մարուն Եպս. Ամմար Զմմառու մէջ
    Ժոզէֆ Եպս. Նաֆֆահ և Մարուն Եպս. Ամմար Զմմառու մէջ

    Չորեքշաբթի 8 Նոյեմբեր 2017-ին, կէսօրին, Զմմառու վանք այցելեցին Հիւիսային Լիբանանի Էհտէն և Զղարթա գաւառներու Մարոնի Թեմի Պատրիարքական Փոխանորդ՝ Ժոզէֆ Եպս. Նաֆֆահ և Սայտայի Մարոնի թեմի Առաջնորդ՝ Մարուն Եպս. Ամմար:

  • Նէհմաթ Ֆրէմ Վանքին մէջ
    Նէհմաթ Ֆրէմ Վանքին մէջ

    Չորեքշաբթի 1 Նոյեմբեր 2017-ին, կէսօրին, Զմմառու վանք այցելեցին Լիբանանցի գործարար` Տիար Նէհմաթ Ֆրէմ և իր գործակիցը:

View All

inside picture