նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

ՏՕՆ ՅԱՐՈՒԹԵԱՆ

Կիրակի 16 Ապրիլ 2017-ին, Զատիկ Յարութեան Տ.Մ. Յիսուսի Քրիստոսի:
Քրիստոնէական Եկեղեցւոյ մեծագոյն տօնը Քրիստոսի յարութիւնն է: Պսակումը Աստուածորդւոյն փրկագործութեան խորհուրդին:

Քրիստոսի յարութեան տօնը մենք Զատիկ կը կոչենք, որ կապուած է հրէից պասէքի տօնին: Ս. զատկուայ տօնին առթիւ՝ Զմմառու վանքի մայր տաճարին մէջ Սուրբ և Անմահ պատարագ մատոյց Զմմառու Պատրիարքական Միաբանութեան Փոխանորդ և վանքիս Մեծաւոր՝ Գերպծ. Հ. Գաբրիէլ Թ.Ծ.Վ. Մուրատեան, մասնակցութեամբ վարչական Հայրերուն, դպրեվանքի «Ս. Միքայէլ» և «Երանելի Մալոյեան» դպրեվանքերու ուսանողներուն, ինչպէս նաեւ բարեպաշտ հաւատացեալներու: Մեծաւոր հայրը իր քարոզին մէջ ըսաւ. «Քրիստոսի հրաշափառ Յարութեամբ՝ մահը դարձաւ յաւիտենական կեանք առաջնորդող ճամփայ։ Քրիստոս իր յարութեամբ մեղաւոր մարդկութիւնը Աստուծոյ արդար զաւակները դարձուց։ Ան իր յարութեամբ՝ մեղքով լեցուած մարդու հոգին Աստուծոյ շնորհքներով լեցուց»։ Յաւարտ Ս. Պատարագին՝ Պատարագիչ Հայրը, վարչական Հայրերը, դպրեվանքի սաները եւ ժողովուրդը ուղղուեցան վանքի դահլիճ, ուր փոխադարձ բարեմաղթութիւններ կատարուեցան, յաւուր պատշաճի հիւրասիրութիւն և ապա Զատկուայ սովորութեան համաձայն՝ հաւկթախաղ տեղի ունեցաւ մայրավանքի բակը:

Իսկ Երկուշաբթի՝ 17 Ապրիլ 2017-ին, Օր մեռելոցի առթիւ, Ս. եւ Անմահ Պատարագ մատուցեց ապա հոգեհանգստեան պաշտօն կատարեց՝ Գեր. Հ. Մովսէս Վրդ. Տօնանեան, վանական եկեղեցւոյ մէջ, առաւօտեան ժամը 8:00-ին:

 

 

ԳԼԽԱՒՈՐ ԼՈՒՐԵՐ

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

  • Ս.Միքայէլ ընծայարանի անուանակոչութիւնը
    Ս.Միքայէլ ընծայարանի անուանակոչութիւնը

    Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

View All

inside picture