նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

ՀԲԸՄ-ի նախագահը կ՚այցելէ Զմմառու Տիրամօր Վանքը

Կիրակի, 27 Օգիստոս 2017-ին, առաւօտուն, Զմմառու Տիրամօր վանքը այցելեց ՀԲԸՄ՝ աշխարհի հայկական մեծագոյն Բարեգործական Միութեան նախագահ՝ Տիար Պերճ Սեդրակեան, 

հանդերձ ընտանեօք և պատասխանատուներով: Մեծարգոյ հիւրերը առաջին հերթին ուղղուեցան դէպի վանքիս Մայր Տաճարը, ուր իրենց մասնկացութիւնը բերին Սուրբ և Անմահ Պատարագին: Աւարտին՝ Ամենապատիւ և Գերեջանիկ Հոգեւոր Տէրը հիւրերը ընդունեց վանքիս «Նահատակաց» դահլիճին մէջ: Այնուհետեւ Մեծապատիւ Հիւրերը շրջագայեցան վանքի թանգարանները, ուր ստացան տեղեկութիւններ, այնտեղ ցուցադրուած իրերու մասին: Ապա անցան Մատենադարանի նոր բաժինը ու ծանօթացան դարաւոր վանքի մշակութային գանձերուն: Կէսօրին՝ ՀԲԸՄ-ի նախագահն ու իր ընկերակիցները վանքիս սեղանատան մէջ մասնակցեցան ագապին, ուր Տիար Պերճ Սեդրակեան խօսելով ՀԲԸՄ-ի գործունէութեան մասին, ըսաւ թէ. «Այս Միութիւնը իր հիմնադրութենէն ի վեր հայկական ազգային գիտակցութիւնը և ժառանգութիւնը արժեւորելու համար, կը համախմբէ տարբեր ոլորտներու մասնագէտներ, զանազան կրթական, մշակութային և մարդասիրական ծրագիրներ կազմակերպելով, ի բարօրութիւն ողջ աշխարհով սփռուած հայ ժողովուրդին»: Տեղին է յիշել որ Հայ Բարեգործական Միութիւնը ունի շուրջ 75 գրասենեակ և աւելի քան տասներկու հրատարակութիւն՝ վեց լեզուներով: Ան կը ֆինանսաւորէ և կը հովանաւորէ բազմաթիւ մշակութային և մարդասիրական ծրագրեր, ամառնային ճամբարներ և այլն: Ամենապատիւ և Գերերջանիկ Հոգեւոր Տէրը իր կարգին՝ ողջունելով հիւրերը, իր հայրական օրհնութիւնը փոխանցեց և ի խորոց սրտի մաղթեց որ Միութիւնը շարունակէ իր հայանպաստ գործունէութիւնը: Յարգելի հիւրերը յիշատակելի օր մը անցուցին Զմմառու վանքին մէջ, ու խորապէս տպաւորուած՝ մեկնեցան իրենց հետ տանելով քաղցր և անմոռանալի յիշատակներ:

2 ՀԲԸՄ  3 ՀԲԸՄ

ԳԼԽԱՒՈՐ ԼՈՒՐԵՐ

  • ԶՄՄԱՌՈՒ ՊԱՏՐԻԱՐՔԱԿԱՆ ԿՂԵՐԻ ՄԻԱԲԱՆՈՒԹԵԱՆ Ս. ՄԻՔԱՅԷԼ ԸՆԾԱՅԱՐԱՆԻ ԱՆՈՒԱՆԱԿՈՉՈՒԹԵԱՆ ՏՕՆ
    ԶՄՄԱՌՈՒ ՊԱՏՐԻԱՐՔԱԿԱՆ ԿՂԵՐԻ ՄԻԱԲԱՆՈՒԹԵԱՆ Ս. ՄԻՔԱՅԷԼ ԸՆԾԱՅԱՐԱՆԻ ԱՆՈՒԱՆԱԿՈՉՈՒԹԵԱՆ ՏՕՆ

     

    Շաբաթ 11 Նոյեմբեր 2017-ի առաւօտեան ժամը 11-ին, Սրբոց հրեշտակապետացն՝ Գաբրիէլի, Միքայէլի և Ռափայէլի, Սերովբէից, Քերովբէից և ամենայն երկնային զօրացն տօնի առթիւ՝ նախագահութեամբ` Տանն Կիլիկիոյ Կաթողիկէ Հայոց Ամենապատիւ և Գերերջանիկ Տէր Գրիգոր Պետրոս Ի. Կաթողիկոս – Պատրիարքի, Զմմառու Պատրիարքական Կղերի Միաբանութեան «Ս. Միքայէլ» դպրեվանքի անուանակոչութեան աւանդական տօնը տեղի ունեցաւ Զմմառու մայրավանքին մէջ:

  • Զմմառու վանք այցելեց Տիար Վարուժան Ներկիզեան:
    Զմմառու վանք այցելեց Տիար Վարուժան Ներկիզեան:

    Կիրակի 12 Նոյեմբեր 2017-ին, առաւօտեան  ժամը 10:30-ին, Զմմառու վանք այցելեց Տիար Վարուժան Ներկիզեան: Ան այս այցելութեան ընթացքին  մասնակցեցաւ Սուրբ և Անմահ Պատարագին, զոր մատոյց Զմմառու Պատրիարքական Կղերի Միաբանութեան Պատրիարքական Փոխանորդ և Զմմառու վանքի Մեծաւոր՝ Հ. Գաբրիէլ Թ.Ծ.Վ. Մուրատեան, մայրավանքի մայր տաճարին մէջ:

  • Ժոզէֆ Եպս. Նաֆֆահ և Մարուն Եպս. Ամմար Զմմառու մէջ
    Ժոզէֆ Եպս. Նաֆֆահ և Մարուն Եպս. Ամմար Զմմառու մէջ

    Չորեքշաբթի 8 Նոյեմբեր 2017-ին, կէսօրին, Զմմառու վանք այցելեցին Հիւիսային Լիբանանի Էհտէն և Զղարթա գաւառներու Մարոնի Թեմի Պատրիարքական Փոխանորդ՝ Ժոզէֆ Եպս. Նաֆֆահ և Սայտայի Մարոնի թեմի Առաջնորդ՝ Մարուն Եպս. Ամմար:

  • Նէհմաթ Ֆրէմ Վանքին մէջ
    Նէհմաթ Ֆրէմ Վանքին մէջ

    Չորեքշաբթի 1 Նոյեմբեր 2017-ին, կէսօրին, Զմմառու վանք այցելեցին Լիբանանցի գործարար` Տիար Նէհմաթ Ֆրէմ և իր գործակիցը:

View All

inside picture