նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

ԳՈՅԺ

«Ես եմ Յարութիւն և կեանք»

Զմմառու Ցաւագին Տիրամօր վանքէն սրտի խոր կսկիծով և յուզումով կը գուժենք, թէ Զմմառու Պատրիարքական Կղերի Միաբանութեան երիցագոյն անդամներէն՝ Հ. Գասպար Վ. Պէյլէրեան յետ երկարատեւ հիւանդութեան հանգեաւ ի Տէր, Չորեքշաբթի 6 Սեպտեմբեր 2017-ին, առաւօտեան ժամը 7:00-ին, Պոլսոյ մէջ: 

Կենսագրութիւն
Հ. Գասպար ծնած է Պոլիս 18 Մարտ 1928 թուին: Ան իր նախնական ուսումը ստացած է Պոլսոյ Էսաեան վարժարանը: Պոլսոյ կեդրոնական լիսէն աւարտած է 1948-ին: Ապա տեղւոյն համալսարանի իրաւաբանական ճիւղին հետեւած է մինչեւ 1950:

 1951-ին Լիբանան կը ժամանէ և Զմմառու Դպրեվանք մուտք կը գործէ: Զմմառու Միաբանութեան Ճունիէի փոքր ընծայարանը կը մնայ մինչեւ 1953, երկու տարուան պատրաստութեան շրջանի մը համար: Այնուհետեւ կը մեկնի Հռոմ, ուր կը յաճախէ «Գրիգորեան» Քահանայապետական համալսարանը և կը հետեւի փիլիսոփա-յութեան և աստուածաբանութեան դասընթացքներուն: 1959-ին, կուսակրօն քահանայ կը ձեռնադրուի ձեռամբ՝ Արհի. Գրիգոր Արք. Հինտիէի Հռոմի Լեւոնեան վարժարանի Ս. Նիկողայոս եկեղեցւոյ մէջ:

 1959-1960 Պոլսոյ մէջ զինուորական պարտադիր ծառայութիւնը կը կատարէ, իբրեւ պահեստի սպայ Թէքիրտաղ: 

1961-ին ժողովրդապետ կը նշանակուի Գատըգիւղի Ս. Լեւոն եկեղեցւոյ և հոգաբարձու Ղալաթիոյ Ս. Փրկիչ

 և Պէյօղլուի Ս. Երրորդութեան եկեղեցիներուն: Հ. Գասպար միաժամանակ կրօնագիտութիւն և բարոյագիտութիւն կը դասաւանդէ Պէյօղլուի և Գատըգիւղի «Անարատ Յղութեան» նախակրթարան վարժարաններուն մէջ: 1997-ին հոգաբարձու կը նշանակուի նաեւ Օրդագիւղի Ս. Գրիգոր Լուսաւորիչ եկեղեցւոյ: 

2007-ին երկար տարիներ Պոլսոյ Հայ Կաթողիկէ Թեմի հոգեւոր ծառայութեան նուիրուած վարդապետը, յառաջացած տարիքի բերումով և վատառողջութեան պատճառաւ, կը փոխադրուի Պոլսոյ Ս. Յակոբ հիւանդանոցի հանգստեան տուն, ուր Եկեղեցւոյ Սուրբ Խորհուրդներով զօրացած՝ իր մահկանացուն կնքեց:

  

Կարգ Թաղման
Լուսահոգի վարդապետին յուղարկաւորութեան և թաղման կարգը պիտի կատարուի Շաբաթ 9 Սեպտեմբեր 2017-ին, կ.ե. ժամը 3:00ին, Գատըգիւղի Ս. Լեւոն եկեղեցւոյ մէջ: Հանգուցեալին մարմինը պիտի ամփոփուի Շիշլիի Հայ Կաթողիկէ գերեզմանատան մէջ:
Պաշտօնական ցաւակցութիւնները պիտի կատարուին յետ թաղման արարողութեան:
Կիրակի 10 Սեպտեմբեր 2017-ին, առաւօտեան ժամը 10:30-ին, Զմմառու վանքի եկեղեցւոյ մէջ, յաւարտ սուրբ եւ անմահ պատարագին հոգեհանգստեան պաշտօն պիտի կատարուի նորոգ հանգուցեալ վարդապետին հոգւոյն համար:
Մեր աղօթքը կը բարձրացնենք առ Աստուած, խնդրելով յաւիտենական հանգիստ հանգուցեալին հոգւոյն և նորանոր քահանայական կոչումներ մեր Միաբանութեան համար, ի փառս Աստուծոյ և ի պայծառութիւն Հայ կաթողիկէ Եկեղեցւոյ:

Յիշատակն արդարոյն օրհնութեամբ եղիցի: Խունկ և բիւր օրհնութիւն հոգելոյս Հայր Գասպարի անմահ և պայծառ յիշատակին:


Դիւան Զմմառու վանքի

 

P. Kaspar Beylerian 1  P. Kaspar Beylerian 3  P. Kaspar Beylerian 2

 

 

ԳԼԽԱՒՈՐ ԼՈՒՐԵՐ

  • ՈՉ ԵՒՍ Է ՀԱՅՐ ԱՆԴՐԱՆԻԿ Ծ. ՎՐԴ. ԿՌԱՆԵԱՆ
    ՈՉ ԵՒՍ Է ՀԱՅՐ ԱՆԴՐԱՆԻԿ Ծ. ՎՐԴ. ԿՌԱՆԵԱՆ

     

     ՅՈՒՂԱՐԿԱՒՈՐՈՒԹԻՒՆ ԵՒ ԹԱՂՈՒՄ ՀԱՅՐ ԱՆԴՐԱՆԻԿ Ծ. ՎՐԴ. ԿՌԱՆԵԱՆԻ
     
     Ողջոյն քեզ Սուրբ Եկեղեցի։ Ողջոյն քեզ սեղան սրբութեան։ Ողջոյն ձեզ դասք քահանայութեան։ Ողջոյն ձեզ հաւատացեալ եղբարք իմ ի Քրիստոս։ Ողջոյն ձեզ համօրէն ժողովրդականք։ Ես ճանապարհորդեցի առ Արարիչ իմ։ Ես ճանապարհորդեցի առ Քրիստոս յոյս ամենեցուն:
     
    Հայ Եկեղեցւոյ եւ ժողովուրդին իր պարտքը աւելիով հատուցած, գրեթէ դարու մը կեանքով բեղմնաւոր, Զմմառու Պատրիարքական Կղերի         Միաբանութեան երիցագոյն անդամ՝ Հ. Անդրանիկ ծ. վրդ. Կռանեան իր աչքերը փակեց 27 սեպտեմբեր 2017-ին, կենաց 88-րդ եւ քահանայութեան 63-րդ տարին, ի Զմմառ:
  • ԳՈՅԺ
    ԳՈՅԺ

    «Ես եմ Յարութիւն և կեանք»

    Զմմառու Ցաւագին Տիրամօր վանքէն սրտի խոր կսկիծով և յուզումով կը գուժենք, թէ Զմմառու Պատրիարքական Կղերի Միաբանութեան երիցագոյն անդամներէն՝ Հ. Գասպար Վ. Պէյլէրեան յետ երկարատեւ հիւանդութեան հանգեաւ ի Տէր, Չորեքշաբթի 6 Սեպտեմբեր 2017-ին, առաւօտեան ժամը 7:00-ին, Պոլսոյ մէջ: 

  • ՀԲԸՄ-ի նախագահը կ՚այցելէ Զմմառու Տիրամօր Վանքը
    ՀԲԸՄ-ի նախագահը կ՚այցելէ Զմմառու Տիրամօր Վանքը

    Կիրակի, 27 Օգիստոս 2017-ին, առաւօտուն, Զմմառու Տիրամօր վանքը այցելեց ՀԲԸՄ՝ աշխարհի հայկական մեծագոյն Բարեգործական Միութեան նախագահ՝ Տիար Պերճ Սեդրակեան, 

  • Ս. Աստուածածնի Վերափոխման տօնը Զմմառու վանքին մէջ
    Ս. Աստուածածնի Վերափոխման տօնը Զմմառու վանքին մէջ

    Շաբաթ 12 Օգոստոս 2017-ին, երեկոյեան ժամը 19:00-ին, Ս. Աստուածածնի Վերափոխման տօնին նախօրեակին, Զմմառու միաբան՝ Հ. Տիգրան Վրդ. Փիլիպոսեան հանդիսաւոր Ս. Պատարագ մատուցեց Զմմառու վանքի «Երանելի Մալոյեան» ամփիթատրոնին մէջ, Զմմառու և շրջակայ գիւղերու ուխտաւոր հաւատացեալներու համար:

View All

inside picture