նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Ժոզէֆ Եպս. Նաֆֆահ և Մարուն Եպս. Ամմար Զմմառու մէջ

Չորեքշաբթի 8 Նոյեմբեր 2017-ին, կէսօրին, Զմմառու վանք այցելեցին Հիւիսային Լիբանանի Էհտէն և Զղարթա գաւառներու Մարոնի Թեմի Պատրիարքական Փոխանորդ՝ Ժոզէֆ Եպս. Նաֆֆահ և Սայտայի Մարոնի թեմի Առաջնորդ՝ Մարուն Եպս. Ամմար:

Անոնք այս այցելութեան ընթացքին՝ վանքիս սեղանատան մէջ կէսօրուայ ագապին մասնակցեցան: Ապա առաջնորդութեամբ մայրավանքի Մեծաւոր՝ Հ. Գաբրիէլ Թ.Ծ.Վ. Մուրատեանին, այցելեցին վանքիս զանազան բաժինները՝ Մայր Տաճարը, թանգարանը և գինեմառանը: Այցելութեան աւարտին՝ հիւրերը եղբայրական ջերմ մթնոլորտի մէջ քաջալերական խօսքեր արտասանեցին և սրտագին բարեմաղթութիւներ կատարեցին Մեծաւոր Հօր և Վարչութեան, վանքին մէջ կատարուած հոգեւոր, մշակութային և շինարարական աշխատանքներուն համար:

ԳԼԽԱՒՈՐ ԼՈՒՐԵՐ

  • Մեծի Տանն Կիլիկիոյ Կաթողիկոսութեան Դպրեվանքի տեսչակազմը Զմմառու մէջ
    Մեծի Տանն Կիլիկիոյ Կաթողիկոսութեան Դպրեվանքի տեսչակազմը Զմմառու մէջ

    Երեքշաբթի, 28 Մայիսի, առաւօտեան, Մեծի Տանն Կիլիկիոյ Կաթողիկոսութեան Դպրեվանքի տեսչակազմը, սարկաւագներն ու սաները ժամանեցին Զմմառու Մայրավանք, ուր իրենց դիմաւորեցին Զմմառու Պատրիարքական Կղերի Միաբանութեան Ս. Միքայէլ եւ Երանելի Իգնատիոս Մալոյեան ընծայարաններու Տեսչութիւնը եւ կիսասարկաւագները։

  • ԶՄՄԱՌՈՒ ՈՒԽՏԻ ՕՐ
    ԶՄՄԱՌՈՒ ՈՒԽՏԻ ՕՐ

    Կիրակի, 26 Մայիսը Զմմառու Ցաւագին Տիրամօր ուխտի օրն էր։

  • Տօն Սրբուհի Ռիթայի
    Տօն Սրբուհի Ռիթայի

    Ընկալեալ սովորութեան համաձայն, այս տարի եւս Չորեքշաբթի, 22 Մայիսի, Սրբուհի Ռիթայի տօնին առիթով, երեկոյեան ժամը 7-ին Ս. եւ Անմահ Պատարագ մատուցանեց՝ Գերպծռ. Գաբրիէլ Թ. Ծ. Վրդ. Մուրատեանը՝ Պատրիարքական փոխանորդ Զմմառու Կղերի Միաբանութեան։

  • Տիրամայր Ֆաթիմայի Ուխտի Օր։
    Տիրամայր Ֆաթիմայի Ուխտի Օր։

    Կիրակի, Մայիսի 19-ի, երեկոյեան, Զմմառու Վանքի հասարակութիւնը ժամանեց Զահլէի Տիրամայր Ֆաթիմայի եկեղեցին, ուր տեղի ունեցաւ Ս. եւ Անմահ Պատարագ, զոր մատոյց Գերպծռ. Գաբրիէլ Թ. Ծ. Վրդ. Մուրատեանը՝ Պատրիարքական փոխանորդը Զմմառու Կղերի Միաբանութեան։

View All

inside picture