նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Զմմառու վանք այցելեցին Պոլսէն ժամանած ուխտաւորներ

 

Ուրբաթ 6 Հոկտեմբեր 2017-ին, յետմիջօրէին, Պոլսոյ Ս. Յովհաննէս Ոսկեբերան Հայ Կաթողիկէ Եկեղեցւոյ ժողովրդապետ՝ Հ. Վարդան Վրդ. Գազանճեանի առաջնորդութեամբ, Զմմառու վանք այցելեցին Պոլսէն ժամանած ուխտաւորներ:

Զմմառու Պատրիարքական Կղերի Միաբանութեան Պատրիարքական Փոխանորդ և Զմմառու վանքի Մեծաւոր՝ Հ. Գաբրիէլ Թ.Ծ.Վ. Մուրատեան այցելուները ընդունեց մայրավանքիս դահլիճին մէջ և յաւուր պատշաճի հիւրասիրութենէ ետք, բարի գալուստ մաղթեց անոնց: Այնուհետեւ յարգոյ հիւրերուն հետ առանձնակի հանդիպում ունեցաւ Պոլսոյ նախկին Առաջնորդ՝ Գերպծ. Գէորգ Արք. Խազումեանը: Այս առթիւ՝ անոնք յաջորդաբար այցելեցին Զմմառու վանքի Մայր Տաճարը, թանգարանը, Մատենադարանը գինեմառանը, եւ ընծայարանը: Յարգոյ ուխտաւոր հայորդիները սրտի անհուն գոհունակութեամբ և քաղցր յիշատակներով մեկնեցան դարաւոր վանքէն:

ԳԼԽԱՒՈՐ ԼՈՒՐԵՐ

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

  • Ս.Միքայէլ ընծայարանի անուանակոչութիւնը
    Ս.Միքայէլ ընծայարանի անուանակոչութիւնը

    Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

View All

inside picture