Հինգշաբթի 21 Դեկտեմբեր 2017-ին, Զմմառու վանքի Վարչական Հայրերը և Երանելի Մալոյեան դպրեվանքի տեսչութիւնն ու սաները, Ս. Ծննդեան տօնին առթիւ այցելութիւն տուին Այնճարի «Աղաճանեան» սանուց տուն:
Հիւրերուն ընդունեցին Այնճարի Ս. Վարդարանի Տիրամօր եկեղեցւոյ ժողովրդապետ Գերյ. Հ. Մեսրոպ Ծ. Վրդ. Թօփալեանը և Զահլէի «Ֆաթիմայի Տիրամօր» եկեղեցւոյ ժողովրդապետ և «Աղաճանեան» սանուց տան պատասխանատու ՝ Արժ. Տէր Ալիշան Քհն. Ափարթեան, ինչպէս նաեւ «Աղաճանեան» սանուց տան սաները: Կէսօրին՝ ուրախ մթնոլորտի մէջ հիւրերը իրենց մասնակցութիւնը բերին օրուան հացկերոյթին, որուն ընթացքին բարեմաղթութիւններ կատարեցին և Կաղանդ Պապան նուէրներ բաժնեց փոքրերուն, մեծ ուրախութիւն պատճառելով «Աղաճանեան» տան սաներուն:
