Շաբաթ 30 Դեկտեմբեր 2017-ին, առաւօտեան ժամը 10-ին, Զմմառու վանք այցելութիւն տուին՝ Ճուպպէի, Սարպայի եւ Ճիւնիի Մարոնի Առաջնորդ՝ Փոլ եպիսկոպոս Ռուհանան և թեմական քանանաները: Զմմառու վանքի մայր դահլիճին մէջ յարգոյ հիւրերը ընդունեց Զմմառու Պատրիարքական Կղերի Միաբանութեան Փոխանորդ և վանքի Մեծաւոր՝ Հ. Գաբրիէլ Թ.Ծ.Վ. Մուրատեան: Մեծաւոր Հայրը անդրադարձաւ Զմմառու վանքի պատմութեան մինչեւ Մեծ Եղեռնի օրերը և այսօր: Այնուհետեւ յաւուր պատշաճի հիւրասիրութիւն տեղի ունեցաւ, որուն ընթացքին Մարոնի Հայրերը գոհունակութիւն յայտնեցին այս սիրալիր ընդունելութեան համար: Այնուհետեւ յարգոյ հիւրերը յաջորդաբար այցելեցին Մայր Տաճար, թանգարան, մատենադարան և գինեմառան: Աւարտին՝ անոնք իրենց հիացմունքը յայտնեցին Զմմառու վանքի ճարտարապետական գեղեցկութեան համար և Զմմառու վանքին մէջ պահպանուած հարուստ և գեղագիտական արժէքներուն համար: