Շաբաթ 30 Դեկտեմբեր 2017-ին, առաւօտեան ժամը 11-ին, Զմմառու վանք այցելեցին Լիբանանի հարաւային Շամա բնակավայրէն Խաղաղապահ Զօրախումբի՝ UNIFIL-էն Պատուիրակութիւն մը, նախագահութեամբ՝ հրամանատար Րօտոլֆօ Զկանկայի եւ ընկերակցութեամբ Լիբանանի մօտ Պապական Նուիրակի տեղապահ՝ Գեր. Հ. Իվան Սանթուսի:
Զմմառու վանքի մայր դահլիճին մէջ յարգոյ հիւրերը ընդունեց Զմմառու Պատրիարքական Կղերի Միաբանութեան Փոխանորդ և վանքի Մեծաւոր՝ Հ. Գաբրիէլ Թ.Ծ.Վ. Մուրատեան: Յաւուր պատշաճի հիւրասիրութենէն ետք, հիւրերը յաջորդաբար այցելեցին Մայր Տաճար, թանգարան և գինեմառան: Աւատին՝ անոնք իրենց հիացմունքը յայտնեցին Զմմառու վանքի ճարտարապետական գեղեցկութեան համար և Զմմառու վանքին մէջ պահպանուած հարուստ և գեղագիտական արժէքներուն համար:
