նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

ՀՀ Վարչապետ Տիար Կարէն Կարապետեան Զմմառու մէջ

Երեքշաբթի 13 Մարտ 2018-ին, յետմիջօրէին, ՀՀ Վարչապետ Տիար Կարէն Կարապետեան և անոր ընկերացող պետական պատուիրակութիւնը,  որուն մաս կը կազմէր Սփիւռքի նախարար՝ Ազնուափայլ Տիկին Հրանուշ Յակոբեան և այլ հայրենի և սփիւռքահայ պատասխանատու անձնաւորութիւններ, պաշտօնական այցելութիւն մը տուին Հայ Կաթողիկէ Պատրիարքական պատմական Աթոռ և Զմմառու Պատրիարքական Կղերի Միաբանութեան Տիրամօր վանք: 
Զմմառու վանքի մայր մուտքին յարգոյ հիւրերը ընդունեցին Պէյրութի Հ.Կ. Պատրիարքական Թեմի Օգնական Եպիսկոպոս՝ Գերպծ. Գէորգ Եպս. Ասատուրեան և վանքիս վարչական խորհուրդի հայրերը և «Երան. Մալոյեան» դպրեվանքի սաները: 
Հոգեւոր Հայրերը և հիւրերը առաջին հերթին ուղղուեցան Զմմառու Ցաւագին Տիրամօր մատուռ, ուր վանքի փոխ Մեծաւոր՝ Հ. Անտոն Վրդ. Նորատունկեան, յանուն Զմմառու Պատրիարքական Կղերի Միաբանութեան Փոխանորդ և վանքի Մեծաւոր Հ. Գաբրիէլ Թ.Ծ. Վ. Մուրատեանի, բարի գալուստի խօսք արտասանեց ներկաներուն և այնուհետեւ համառօտ կերպով անդրադարձաւ Միաբանութեան պատմութեան: 
Այնուհետեւ հիւրերը առաջնորդուեցան դէպի վանքի մայր դահլիճ, ուր Գերպծ. Գէորգ Եպս. Ասատուրեան յանուն Տանն Կիկիկիոյ Կաթողիկէ Հայոց Կաթողիկոս՝ Գրիգոր Պետրոս Ի. Պատրիարքին, իր սրտի խօսքը յայտնեց վարչապետին և շքախումբի բոլոր անդամներուն ըսելով թէ «Այսօր Զմմառու վանքը պատմական և յիշատակելի օր մը կ'ապրի, յաձինս ձեր և ձեր շքախումբի ներկայութեան: Պատիւ կը զգանք ձեր այս այցելութեամբ և յոյսով ենք որ դուք ալ ձեր կարգին կ'ունենաք մեր նոյն այս զգացումը»:
ՀՀ վարչապետը իր կարգին խորապէս տպաւորուած այս սիրալիր ընդունելութենէն՝ իր հիացմունքը և գոհունակութիւնը յայտնեց, որ Մերձաւոր Արեւելքի այս դժուարին պայմաններուն մէջ, Զմմառու վանքի  նման հայկական մենաստան մը տակաւին կը գոյատեւէ, պահպանելով անցեալէն ժառանգած մշակութային արժէքներ: Մեծարգոյ վարչապետը իր խօսքի աւարտին ըսաւ թէ. «Այսպիսի պատմական վանքի մը գոյութիւնը ինքնին հրաշք մըն է և ի խորոց սրտի կը գնահատեմ այս վանքին մէջ կատարուած բոլոր աշխատանքները. ձեր բոլորին վարձքը կատար»:
Աւարտին՝ յաւուր պատշաճի հիւրասիրութիւն տեղի ունեցաւ, որմէ ետք հիւրերը յաջորդաբար այցելեցին թանգարանը և մայր տաճարը: Զմմառու վանք այցելութեան առթիւ՝ յանուն Զմմառու Պատրիարքական Կղերի Միաբանութեան՝ ՀՀ վարչապետին Զմմառու Ցաւագին Տիրամօր սրբապատկերը ընծայուեցաւ որպէս յիշատակ:
 

ԳԼԽԱՒՈՐ ԼՈՒՐԵՐ

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

  • Ս.Միքայէլ ընծայարանի անուանակոչութիւնը
    Ս.Միքայէլ ընծայարանի անուանակոչութիւնը

    Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

View All

inside picture