նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

Տօնական այս մթնոլորտի լոյսին տակ. Շաբաթ 14 Սեպտեմբերի, երեկոյեան ժամը 6-ին, Պուրճ Համուտի Ս. Փրկիչ եկեղեցւոյ մէջ Միաբաններու ցուցակը բազմապատկուեցաւ 4 սարկաւագներով եւս:
Սարկաւագական ձեռնադրութիւն ստացած կիսասարկաւագներ Կարապետ Գլընճեան, Պետրոս Մարաշլեան, Վարդան Ճալլուֆ եւ Լեւոն Ստեֆան համալրեցին Զմմառու Պատրիարքական Կղերի Միաբանութեան շարքերը:
Սրտառուչ ձեռնադրութիւնը շնորհուեացաւ ձեռամբ՝ Ամենապատիւ եւ գերերջանիկ Գրիգոր Պետրոս Ի. Կաթողիկոս Պատրիարք, Տանն Կիլիկիոյ Կաթողիկէ Հայոց Հայրապետի:
Յընթացս ձեռնադրութեան Ամեն. եւ Գերջ. Հոգեւոր Տէրը իր հայրապետական պատգամին մէջ նախ անդրադարձաւ Սուրբ Խաչի օրուան խորհուրդին եւ անկէ բխած իմաստին քրիստոնէական կեանքէն ներս, ապա յորդորեց նոր ձեռնադրեալ սարկաւագներուն ըլլալ բարի օրինակ իրենց հօտին, սիրել միմեանց, օգնել կարիքաւորներուն, խորհուրդները ըստ արժանւոյն մատուցել, այսպիսով սրբանալով սրբացնեն իրենց ժողովուրդը, նման Ստեփանոս Նախավկային, որ իր կեանքով եւ նահատակութեամբ վկայեց Յիսուս Քրիստոսի հաւատը: Հոգեւոր Տէրը խօսքը եզրափակեց շնորհաւորելով նոր ձեռնադրեալ սարկաւագները, անոնց ծնողները եւ Զմմառու Պատրիարքական Կղերի Միաբանութեան անդամները որոնք ունեցան չորս նոր միաբաններ եւս:
Հայրապետին կողմէ իրենց շնորհուած լեազօրութեամբ՝ նոր ձերնադրուած սարկաւագներ Յիսուս Քրիստոսի մարմինն ու արիւնը բաշխեցին հաւատացեալներուն, խոր յուզական մթնոլորտ մը ստեղծելով:
Յաւարտ Սուրբ եւ Անմահ Պատարագին, Հոգեւոր Տիրոջ, եօթը սիւնհոդոսական Եպիսկոպոսներու եւ քահանաներու ձեռնադրութիւնը ստացած սարկաւագները Ս.Փրկիչ եկեղեցւոյ դահլիճին մէջ Հոգեւոր Տիրոջ, Մեծաւոր Հօր հետ ընդունեցին ներկաներուն շնորհաւորանքները:

 

ԳԼԽԱՒՈՐ ԼՈՒՐԵՐ

  • Յիսուս Քրիստոսի Ս. Ծնունդը
    Յիսուս Քրիստոսի Ս. Ծնունդը

    25 դեկտեմբերի առաւօտեան ժամը 10,30-ին, Զմմառու վանքի Փոխման Ս.Կուսին Մայր եկեղեցւոյ մէջ, տեղի ունեցաւ Յիսուս- Քրիստոսի Ս. Ծննդեան պատարագը, զոր մատոյց` Զմմառու Պատրիարքական կղերի Միաբանութեան Պատրիարքական փոխանորդ, Զմմառու վանքի Մեծաւոր` Գերպծռ.Գաբրիէլ Թ.Ծ.Վ.Մուրատեանը, առընթերակայութեամբ Ս.Միքայէլ ընծայարանի եւ Երանելի Իգնատիոս Մալոյեան դպրեվանքի Տեսուչ` Գեր.Գրիգոր Վրդ.Պատիշահի:

  •  Քահանայական ձեռնադրութիւն Դամասկոսի մէջ
    Քահանայական ձեռնադրութիւն Դամասկոսի մէջ

    Շաբաթ, 21 Դեկտեմբեր 2019-ի, երեկոյեան ժամը 5 ին, Դամասկոսի Թագուհի տիեզերաց եկեղեցւոյ մէջ տեղի ունեցաւ Լեւոն Սրկ. Ստեֆանի քահանայական ձեռնադրութիւնը Ձեռամբ` Արհ.Տ.Յովսէփ Եպս.Առնաութեանի:

  • Քահանայական ձեռնադրութիւն
    Քահանայական ձեռնադրութիւն

    Շաբաթ, 14 Դեկտեմբեր 2019-ի, երեկոյեան ժամը 5 ին, Սուրբ Եղիա-Սուրբ Գրիգոր Լուսաւորիչ եկեղեցւոյ մէջ տեղի ունեցաւ` Վարդան Սրկ. Ճալլուֆի եւ Պետրոս Սրկ. Հատտատ Մարաշլեանի քահանայական ձեռնադրութիւնը:

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

View All

inside picture