ՏՕՆԱԿԱՆ ԵՂԵԼՈՒԹԻՒՆՆԵՐ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Յիսնակաց Շրջան և Ս. Ծնունդ

Հայ Եկեղեցւոյ ծիսական օրացոյցին համաձայն՝ Կիրակի 19 Նոյեմբեր 2017, Յիսնակաց առաջին օրն է: Յիսնակը յիսուն օրերու ժամանակաշրջան մըն է, որ կը կանխէ Յիսուսի Քրիստոսի Ս. Ծնունդը: Աստուածորդւոյն Ս. Ծննդեան և Աստուածայայտնութեան տօնը կանխող յիսուն օրերու այս շրջանը, Հայ Տօնացոյցը որպէս յիսնակ արձանագրած է: Անցեալին Յիսնակին շրջանը Մեծ Պահոց նման յիսուն օրերու պահեցողութեան շրջան մըն էր ի պատրաստութիւն սուրբ Ծննդեան և Աստուածայայտնութեան տօներուն: Իսկ ներկայիս մինչեւ Ս. Ծնունդ պահեցողութեան օրեր սահմանուած են Չորեքշաբթին և Ուրբաթը և երեք շաբաթապահքերը: Յիսնակին առաջին շաբաթը «Յիսնակի պահք» անունով կը կոչուի: Երկրորդ շաբաթը՝ ձմեռնամուտի շաբաթապահքն է, որ հաւատացեալներուն կողմէ անուանակոչուած է Ս. Յակոբի շաբաթապահք: Իսկ երրորդ շաբաթը՝ Ս. Ծննդեան և Աստուածայայտնութեան տօնը կանխող օրերն է:   
Սկզբնական շրջաններուն քրիստոնեաները ունեցած են երկու կարեւոր տօներ՝ Տօն Յայտնութեան Քրիստոսի, այսինքն Ծնունդը, և Զատիկը՝ Քրիստոսի Յարութեան տօնը: 451 թուին Քաղկեդոնի ժողովի ընթացքին՝ Հռոմի եկեղեցին Դեկտեմբեր 25-ը որոշեց Յիսուսի Ծննդեան օր, իսկ Յունուար 6-ը Յիսուսի Մկրտութեան տօնը:  
Ս. Ծննդեան նախորդող օրը կը կոչուի Ճրագալոյց, որ կը նշանակէ ճրագ վառել, մոմ վառել: Կարեւոր և մեծ տօներու առթիւ՝ սովորութիւն էր եկեղեցւոյ կանթեղները վառել և ներկաններուն մոմ բաժնել՝ վառելու համար: Հայ Եկեղեցին տարուան մէջ միայն երկու անգամ երեկոյեան Ս. Պատարագ կը մատուցանէ՝ Ս. Ծննդեան և Ս. Զատկուայ ճրագալոյցներուն:  Ծննդեան ճրագալոյցի երեկոն կը կոչուի նաեւ խթում, որ կարելի է ուտիքի նախատօնակը համարել: Նոյն օրը երեկոյեան՝ Միաբանութիւնը և դպրեվանքի աշակերտութիւնը և անոնց հարազատները միասին ընթրեն դպրեվանքի սեղանատունը, տօնական ջերմ մթնոլորտի մէջ: Դեկտեմբեր 25-ին, Տեառն Մերոյ Յիսուսի Քրիստոսի Ս. Ծննդեան տօնը մեծահանդէս արարողութեամբ կը տօնախմբուի ամբողջ քրիստոնեայ աշխարհին մէջ: Հայոց մօտ Ս. Ծննդեան գլխաւոր շարականն է «Խորհուրդ Մեծ և Սքանչելին որ այսօր յայտնուեցաւ, հովիւները կ'երգեն զուարթուններուն հետ, Աւետիս տալով աշխարհին: Ծնաւ նոր Արքայ Բեթղեհէմ քաղաքին մէջ, մարդու որդիներ օրհնեցէք, որովհետեւ մեզի համար մարդացաւ»: Իսկ Յունուար 6-ին, Յիսուսի Աստուածայայտնութեան Տօնին, պատարագէն անմիջապէս ետք կը կատարուի Ջրօրհնէք, ի յիշատակ Յիսուսի մկրտութեան: Տեղ-տեղ սովորութիւն կայ Ջրօրհնէքը գետի կամ լիճի ափին կատարել, ինչ որ աւելի տարածուած սովորութիւն մըն է Յունաց մէջ: Իսկ Հայոց մօտ, նոյն առթիւ՝Ջրօրհնէքը եկեղեցւոյ մէջ կը կատարուի:

ԳԼԽԱՒՈՐ ԼՈՒՐԵՐ

  • ՅԱՐՈՒԹԻՒՆ Տ.Մ.Յ. ՔՐԻՍՏՈՍԻ
    ՅԱՐՈՒԹԻՒՆ Տ.Մ.Յ. ՔՐԻՍՏՈՍԻ
    Հնաւուրց Զմմառու Մայրավանքի՝ խնկաբոյր Ս. Կուսի Վերափոխման եկեղեցւոյ մէջ՝ Քրիստոսի Հրաշափառ Յարութեան օրը, 1 ապրիլ 2018ին, առաւել ուրախ եւ խանդավառ մթնոլորտ մը կը թեւածէր:
  • Ծաղկազարդ
    Ծաղկազարդ

        Կիրակի 25 Մարտ 2018-ին, Ծաղկազարդի տօնին առթիւ՝ առաւօտեան ժամը 10:30-ին, Զմմառու վանքի մայր տաճարին մէջ պատարագեց և քարոզեց Զմմառու Պատրիարքական Կղերի Միաբանութեան Փոխանորդ և վանքիս Մեծաւոր՝ Գերպ. Հ. Գաբրիէլ Թ.Ծ.Վ. Մուրատեան: 


        Մեծաւոր Հայրը անդրադառնալով Ծաղկազարդի խորհուրդին, ըսաւ. «Պատմութեան ընթացքին բազմաթիւ արքաներ յաղթական մուտք գործեցին Երուսաղէմ, սակայն անոնք երկրաւոր և ժամանակաւոր էին: Իսկ Քրիստոս իբրեւ յաւիտենական և երկնաւոր արքայ մուտք գործեց Երուսաղէմ քաղաք»:
       Ս. Պատարագի աւարտին, տեղի ունեցաւ ձիթենիի ճիւղերու օրհնութիւն: Այնուհետեւ պատարագիչ Հայրը, վանքիս Վարչական Խորհուրդի ու վանաբնակ հայրերը, «Ս. Միքայէլ» և «Երան. Մալոյեան» դպրեվանքի սաները, ինչպէս նաեւ բազմաթիւ ուխտաւոր հայորդիներ թափօրով ուղղուեցան դէպի վանքիս մայր եկեղեցւոյ աւագ դուռը, ուր տեղի ունեցաւ Անդաստան և օրհնուեցան աշխարհի չորս ծագերը: 
        Ծաղկազարդի տօնակատարութեան յաջորդեց Դռնբացէքի հնաւանդ արարողութիւնը, որմէ ետք՝ վանքի մայր դահլիճին մէջ տեղի ունեցաւ շնորհաւորութիւն և յաւուր պատշաճի հիւրասիրութիւն:
     
  • ՀՀ Վարչապետ Տիար Կարէն Կարապետեան Զմմառու մէջ
    ՀՀ Վարչապետ Տիար Կարէն Կարապետեան Զմմառու մէջ
    Երեքշաբթի 13 Մարտ 2018-ին, յետմիջօրէին, ՀՀ Վարչապետ Տիար Կարէն Կարապետեան և անոր ընկերացող պետական պատուիրակութիւնը,  որուն մաս կը կազմէր Սփիւռքի նախարար՝ Ազնուափայլ Տիկին Հրանուշ Յակոբեան և այլ հայրենի և սփիւռքահայ պատասխանատու անձնաւորութիւններ, պաշտօնական այցելութիւն մը տուին Հայ Կաթողիկէ Պատրիարքական պատմական Աթոռ և Զմմառու Պատրիարքական Կղերի Միաբանութեան Տիրամօր վանք: 
  • Զմմառու վանք այցելեցին Հռիփսիմեանց վարժարանի ութերորդ դասարանի աշակերտները
    Զմմառու վանք այցելեցին Հռիփսիմեանց վարժարանի ութերորդ դասարանի աշակերտները

    Երեքշաբթի 13 Մարտ 2018-ին, առաւօտեան ժամը 9:00-ին, նախաձեռնութեամբ Հռիփսիմեանց վարժարանի առաքինազարդ քոյրերուն, Զմմառու վանք այցելեցին Հռիփսիմեանց վարժարանի ութերորդ դասարանի աշակերտները, գլխաւորութեամբ վարժարանի առաքինազարդ քոյր Հակինթ Մուրատեանի և այլ պատասխանատուներու:

View All

inside picture