Զմմառու վանքը ունի այգեստաններուն եւ անտառներուն կողքին ցանկապատուած եւ կանաչապատուած նոր Կազդուրման վայր մը, որ առիթ

կ'ընծայէ վանք այցելողներուն եւ ուխտաւորներուն անդորրանալու գեղեցիկ բնութեան ծոցին մէջ: Կազդուրման վայրի մուտքին՝ զետեղուած է կրպակ մը զօվացուցիչ խմիչքներու եւ ուտելիքներու, ուր կը վաճառուին թոնիրի վրայ պանիրով եւ ծոթրինով խմորեղէններ: Կազդուրման վայրը կը տրամադրէ նաեւ վրանածածկ աթոռ-սեղան, ունի նաեւ ընդարձակ դաշտ մը, ուր ամէն տարիքի մարդիկ կարող են մարզանք ընել: Նոյն վայրին մէջ «քերմես» կը կազմակերպուի տօնական առիթներով: